टोकियो/जापान । दक्षिण अमेरिकाको अमेजनका आदिवासीहरूबारे रिपोर्ट तयार गर्ने बेलायती २ जना समाचार रिपोर्टरहरु यहि जुन महिनाको ५ तारिखदेखि बेपत्ता भएका छन् । अहिले ब्राजिलका सेना तथा प्रहरीहरुले उनिहरुको खोजी गरिरहेका छन् ।

खोजीका क्रममा ब्राजिलका राष्ट्रपति जैर बोल्सोनारोले उनिहरु त्यस क्षेत्रको रिपोर्टिंगका लागि आवश्यक प्रक्रिया नपुर्याई गएको देखिएको बताएका छन् ।ति रिपोर्टहरु जुन अवस्थामा गएको भएपनि उनिहरुको खोजी कार्य यतिखेर प्रमुख हुनुपर्ने भन्दै ब्रजिलियन राष्ट्रपतीको संयुक्त राष्ट्र संघ र पश्चिमी सञ्चारमाध्यमबाट आलोचना गरेका छन् ।

बेपत्ता हुनेहरुमा,बेलायती रिपोर्टर डन फिलिप्स र ब्राजिलका विशेषज्ञ ब्रनो पेरेरा रहेका छन् । उनिहरुले विगत १५ वर्षदेखि अमेजनका आदिवासीहरूको अन्तर्वार्ता लिँदै आएका थिए ।

जानकारी अनुसार,यस महिनाको ५ तारिखमा, उत्तरपश्चिम ब्राजिलको अमेजनको भित्री क्षेत्रमा आदिवासी जनजातिको अन्तर्वार्ता लिएर डुङ्गाबाट नजिकैको सहरमा जाँदै गर्दा ती दुई व्यक्तिको ब्राजिलियन सेनासँग सम्पर्क टुटेको थियो।

ब्राजिलको अमेजनमा, अवैध सुन खानीहरू संचालन गर्ने समूहहरुले त्यहाँका आदिवासीहरूको हत्या जस्ता धेरै घटनाहरू हुनेगरेका थिए र त्यस्ता कम्पनीहरूबाट यी दुईलाई पनि यस अघि धम्की दिइएको बताईएको छ ।

एनएचके अनलाईनमा प्रकाशित खबर