फुकुओका/जापान। जापानको फुकुओकामा एक जना नेपाली युवतीले आफ्नो परिवारसंग भिडियो कल गर्दै आत्महत्याको बाटो रोजेकी छिन् । सोमबार साँझ परिवार(दिदी र बुबा)संग भिडियो कलमा कुरा हुँदा/हुँदै आफ्नै कोठामा झुण्डिएको भन्दै,परिवारले उदारका लागि आग्रह गरेका थिए।

नेपालको दोलखा स्थायी घर भइ अघिल्लो वर्षमात्रै विद्यार्थी भिसामा जापान आइपुगेकी २० वर्ष उमेर समुहकी रबिना बुढाथोकीले आफ्नै परिवारसंग भिडियो कलमा कुरा गर्दा/गर्दै कोठामै झुण्डिएको कोरियामा रहेकी उनकी दिदिले नेपालन्युजपोस्टलाई जानकारी गराएकी थिइन्।

घट्नाबारे थाह पाए पश्चात फुकुओकामा रहेका नेपालीहरु मार्फत तुरुन्त उद्धारको प्रयास गरिएको भएतापनि,कोठाको ढोकामा चुकुल लगाईएको अवस्था भएकाले प्रहरी घटनास्थलमा पुगुन्जेल प्रतिक्षा गर्नुपर्दा केहि समय ढिला भएता पनि,उलाई प्रहरीले उद्दार गरि अस्पत्ताल लगेको थियो।

जिवित रहने सम्भावना कम भएतापनि अस्पत्तालले सघन उपचारकक्षमा राखी,जिवन बचाउने प्रयास गरेको तर सम्भव नभएको र अस्पत्ताल लगिएको केहि समयमा मृत घोषणा गरिएको बताईएको छ।

जापानमा पछिल्ला केहि वर्षयता,नेपाली समुदायमा यस्ता अप्रत्यासित दुखद घटनाहरु बढ्दै गएको छ।