टोकियो/जापान। इसिबा शिगेरु औपचारिक रूपमा सोमबार जापानको प्रधानमन्त्रीको रूपमा पुन: निर्वाचित भएका छन् । उनको सत्तारुढ दलको नियन्त्रण बाहिर रहेको संसदमा दुर्लभ दोस्रो मतदान पछि उनि औपचारिकरुपमा प्रधानमन्त्रीमा चयन भएका हुन् ।

लिबरल डेमोक्र्याटिक पार्टीका प्रमुख इसिबाले यस पटक आफ्नो दलले बहुमत गुमाएपछि,जापानको राजनीतिमा तीन दशकमा पछि, नयाँ प्रधानमन्त्री चयन गर्नको लागि भएको पहिलो चरणको मतदानमा आफ्ना प्रतिद्वन्द्वी मूख्य विपक्षी दल संबैधानिक लोकतान्त्रिक पार्टीका नेता योशिहिको नोदालाई पछि पार्दै जीत हासिल गरेका हुन् ।

४ सय ६५ सदस्यीय प्रतिनिधिसभाको प्रारम्भिक चरणको मतदानमा कुनै पनि उम्मेदवारले प्रधानमन्त्री निर्वाचित हुन आवश्यक पर्ने २३३ मतको बहुमतको सीमामा पुग्न सकेनन् । त्यस पश्चात भएको दोस्रो मतदानमा इशिबाले २२१ मत प्राप्त गरे, जसमा नोदाले १६० मत प्राप्त गरे। मतदानमा ८४ मत अवैध तथा वदर भएको थियो। यसकी दोस्रो चरणको मतदानबाट इसिबा पुनः प्रधानमंत्रीमा चयन भए ।

इसिबा,अहिले बनेको गठबन्धन सरकारको गठनसंगै देशको अर्थतन्त्र सुधार तथा आम नागरिकहरुलाई राहत दिने उदेश्यले विशेष साहयता सहितको आर्थिक प्याकेज ल्याउने तयारी गरिएको बुझिएको छ।