काठमाडौं, मंसिर ३ – वरिष्ठ साहित्यकार डाक्टर कविताराम श्रेष्ठको निधन भएको छ । अस्वीकृत लेखनका अभियन्ता डाक्टर श्रेष्ठ केही समयदेखि क्यान्सरले पीडित हुनुहुन्थ्यो । उहाँको बेलायतको लण्डनस्थित सेन्ट पिटर हस्पिटलमा उपचारका क्रममा निधन भएको उहाँका आफन्तले जनाएका छन् । विक्रम संवत २००४ सालमा ओखलढुंगाको रामबजारमा जन्मनुभएका श्रेष्ठको औपचारिक नाम भने रामबहादुर श्रेष्ठ हो ।
श्रेष्ठ २०५२ सालमा नेपाल टेलिभिजनको अध्यक्ष, राष्ट्रिय विकास परिषदका सदस्य तथा २०५४ सालमा तत्कालीन गृहमन्त्रीको सल्लाहकारसमेत बन्नुभएको थियो । विभिन्न चलचित्रको समेत निर्देशन गरेका श्रेष्ठको दर्जनौं कृतिहरु प्रकाशित छन् ।