मुम्बई । बलिउड अभिनेता सञ्जय दत्त र अभिनेत्री माधुरी दिक्षित एकताका गहिरो प्रेममा थिए । ९० को दशकमा उनीहरुको प्रेमकथा गल्लि-गल्लिमा सुनिन थालेको थियो ।

यासीर अहमदले सञ्जय दत्तमाथी लेखेको पुस्तक ‘सञ्जय दत्तः द क्रेजी अनटोल्ड लभ स्टोरी अफ बलिउड ब्याड ब्वाई’ मा सञ्जय र माधुरीको अफेयर रहेको दावी गरिएको छ ।

पुस्तकमा उल्लेख भएअनुसार सञ्जय दत्तकी श्रीमती ऋचाले न्युयोर्कमा भएको बेला श्रीमानको अफेयरबारे चाल पाएकी थिइन् । उनी त्यतिवेला न्युयोर्कमा क्यान्सरको उपचार गर्दै थिइन् । श्रीमानको अफेयर सुनेर बेचैन भएकी ऋचा भारत आएर आफ्नो सम्बन्धलाई बचाउन चाहन्थिन् ।

सन् १९९२ मा ऋचा आफ्नी छोरी त्रिशालालाई लिएर मुम्बई आइन् । उनको रोग केही मात्रामा ठिक भएको थियो । सञ्जय यतिसम्म निर्दयी भएका थिए कि बिरामी श्रीमतीलाई एयरपोर्टसम्म लिन समेत गएनन् ।

मुम्बईमा १५ दिन बिताएकी ऋचा पुनः अमेरिका गइन् । ऋचा श्रीमानसँग सुमधुर सम्बन्ध कायम गर्ने पक्षमा थिइन् । जब सञ्जय दत्तले सम्बन्धविच्छेदका लागि आग्रह गरे, सञ्जयको ब्यापक आलोचना भयो ।

ऋचाको क्यान्सरको कारण मृत्यु भयो । पछि सञ्जय दत्त गैरकानूनी हतियार राखेको मामलामा गिरफ्तार भएपछि माधुरी दिक्षित पनि उनीसँग टाढिइन् । माधुरीका परिवार पहिल्यैदेखि माधुरी र सञ्जयको सम्बन्धप्रति खुसी थिएनन्