टोकियो । थकाली सेवा समिति जापानले यस वर्ष पनि बार्बेक्यु (समर पिकनिक) कार्यक्रम आयोजना गर्ने भएको छ । हरेक वर्ष गर्दै आएको बार्बेक्यु कार्यक्रम यस वर्ष आउँदो  जुलाई १५ तारिख आईतबार दिन आयोजना गरिने जानकारी गराईएको छ । 

यस वर्षको बार्बेक्यु  खानागावा केन, कावासाकी सिनमारुको  स्टेशन नजिकै गरिने जनाईएको छ । संस्थाका अध्यक्ष बुद्दी गौचनका अनुसार बिगतका वर्षहरुमा जस्तै यस वर्ष पनि विभिन्न परिकारहरुको साथ बार्बेक्यु कार्यक्रम गरिनेछ । साथै  वहाँले कार्यक्रममा विविध मनोरञ्जनात्मक प्रस्तुतीहरु समेत रहने पनि बताउनुभयो । 

थकाली सेवा समिति (थसेस) जापान सन १९९१ मा स्थापना भएको निक्कै पुरानो  नेपाली संस्था हो । संस्थाले स्थापना कालदेखि हालसम्म हरेक वर्ष बार्बेक्यु कार्यक्रम आयोजना गर्दै आएको छ । जापानमा नेपाली समुदायमा बार्बेक्यु कार्यक्रमको प्रारम्भनै थसेस ले गरेको संस्थाको दाबी छ ।