टोकियो । जापानको राजधानी टोकियोमा पहिलो पटक हुने तीज विशेष साँस्कृतिक कार्यक्रम ‘तीज फेस्टिवल’को स्टल बुकिङ खुल्ला गरिएको छ ।

डेस्टिनी क्रियसनले टोकियोमा आइतवार पत्रकार भेटघाट गरी स्टल खुल्ला गरीएको जानकारी दिएको हो ।आगामी सेप्टेम्बर १ तारिख आईतबार – तीजको दरखाने दिन विहान १० वजेवाट साँझ ७ वजेसम्म टोकियो टावर नजिक रहेको सिवा पार्कमा हुने सो खुल्ला ‘तीज फेष्टिवल’ हुने एरियामा व्यवसायिका लागि  स्टल बुकिङ्ग  खुल्ला गरिएको हो । आयोजकका अनुसार , नेपालका ख्यातिप्राप्त आधा दर्जन कलाकारहरुको साथमा नेपाली तीजको मौलिकता झल्काउने गरी जापान मा पहिलो पटक भिन्न र बृहत ‘तीज फेस्टीवल’हुनेछ ।

उक्त कार्यक्रमवाट संकलित भई बचेको रकम नेपालको ग्रामीण क्षेत्रका वालबालिकाको शैक्षिक सहयोग गर्ने आयोजकले जानकारी दिएको छ । ३ देखी ४ हजारसम्म दर्शक उतार्ने योजना बनाएको  फेष्टिवलमा पार्कमा फ़ूड स्टल ३ ओटा र ५ व्यापारिक स्टल तोकिएको  छ ।

स्टलको लागी ०८०-९५२६-६४०५,०९०-९८४३-७८९७ मा सिदा सम्पर्क गर्न अपील गरेको छ ।