टोकियो/ राजन गौतम् । गैरआवासीय नेपाली संघ ( एनआरएनए) जापानको नयाँ कार्यसमिति र नेपाली राजदुतावास टोकियो बीच शिष्टाचार भेटवार्ता सम्पन्न भएको छ ।
एनआरएनए जापान(२०१९-२०२१) कार्यसमितिले, मंगलबार, राजदूत महामहिम प्रतिभा राणा,उपनियोग प्रमुख कृष्ण चन्द्र अर्याल लगायत नेपाली राजदुतावास टोकियोका कर्मचारीहरुसंग भेट गरेका हुन् । सो,भेटमा एनआरएनएका तर्फबाट नवनिर्वाचित अध्यक्ष देबीलाल भण्डारीको नेतृत्वमा वरिष्ठ उपाध्यक्ष अनिता गुरुङ्ग लगायत कार्यसमितीका पदाधिकारीहरु तथा सदस्यहरुको उपस्थिती रहेको थियो।
सो अवसरमा, नवनिर्वाचित पदाधिकारी तथा सदस्यहरुले, राजदूत तथा दुतावासका पदाधिकारीहरुसंग आ-आफ्नो परिचय गराए भने, राजदुतावासका तर्फबाट महामहिम राजदुत प्रतिभा राणाले , सम्पुर्ण पदाधिकारी तथा सदस्यहरुलाई खादा ओढाएर बधाइ तथा सफल कार्यकालको शुभकामना दिनु भयो ।
भेटमा, अध्यक्ष देबीलाल भण्डारीले सदा झैँ नेपाली राजदुतावासको साथ र सहयोग रहनेमा आफु विश्वस्थ रहेको बताउनुहुँदै, आफुले सधैँ राजदुतावासको सहकार्यमा जापान स्थित नेपालीका हक़हितमा काम गर्ने पर्तिबद्दता पनि व्यक्त गर्नुभयो ।

आफ्ना भनाईहरु राख्ने क्रममा महामहिम राजदूत प्रतिभा राणाले NRNA जापान (२०१९-२०२१ )र्कायकालको टिमले सम्पुर्ण क्षेत्रलाइ समेटेको आफुलाई महसूस भएको कारण काम गर्न धेरै सजिलो हुने भएकोले जापान बासि नेपालीहरुको हितमा काम गर्न अनुरोध गर्नुभयो । त्यसस्तै नेपाल भ्रमण वर्ष सन २०२० लाइ सफल पार्न हामी सम्पुर्ण जापानबासि नेपालीहरुको ज़िम्मेवारी भएकोले जापानबासी नेपालीहरुले आफु पनि राजदूतको भुमिकामा रहेर काम गर्नुहुन अनुरोध गर्नुभयो ।
राजदूत राणाले , आफुले पाएको ज़िम्मेवारीहरु( जापान नेपाल सिधा हबाई सेबा, उच्च स्तरीय भेंटवार्ता ,नेपालीहरुलाइ रोज़गारी लगायत) धेरै हद पुरा गर्न सकेकोमा खुसि व्यक्त गर्नुभयो ।

यसै क्रममा नेपाली दुतावासका उपनियोग प्रमुख कृष्ण चन्द्र अर्यालले दुतावासबाट प्रकाशित हुने महत्वपुर्ण सुचनाहरु सम्पुर्ण जापानबासि नेपालीहरुमा पुर्याउन सबैले विशेष पहल गर्नुपर्नेमा जोड़ दिनुभयो ।