टोकियो ।विध्वंसक आँधी हगिविसले तोकाई तथा कान्तो क्षेत्रमा हिंसात्मक असर देखाईसकेको छ ।

शनिबार विहानैबाट सिजुवका तथा चिबा केनमा भौतिक तथा मानविय क्षतिका घटनाहरु घटेका छन् । १२ हजार घरहरुमा विद्युत आपूर्ति बन्द भईसकेको छ । सिजुवका हुँदै ग्रेट टोकियो तर्फ अघि बढिरहेको ताईफु ( हगिविस) साँझ अझ खतरनाक रुपलिने विज्ञहरुको अनुमान छ । सिजुवका, चिवा,कानागावा , गुन्मा तथा टोकियोका केहि स्थानहरुमा खतराको लेभल बढि. उच्च सतर्कता अप्नाउन तथा सुरक्षा शिबिर तर्फ लाग्न सुचना जारी भई सकेको छ । विभिन्न स्थानिय संचार माध्यमहरुले जनाए अनुसार यो सामग्री तयार पार्दासम्म केहि व्यक्तिहरु ज्यानै  गएको तथा १ सयजना भन्दा बढि घाईते भईसकेका छन् ।

ताईफुको असर, बढ्दै, जाँदा सबैभन्दा धेरै नेपालीहरुको वसोबास भएको क्षेत्र कान्तोमा नेपाली समुदायमाथि हालसम्म त्यस्ता कुनै अप्रिय घटना भएको जानकारीहरु भने आएका छैनन् । जापानमा रहेका नेपाली भाषाका संचार माध्यमहरुले ताईफु सम्बन्धि सुचना/ समाचार तथा जानकारीहरु निरन्तर प्रवाह गरिरहेका छन् ।

जापानमा यत्ति ठूलो विपत्ती आईपर्दा पनि, जापानमा रहेको नेपाली दुतावासले ९० हजार नेपाली नागरिकहरुको सुरक्षमा एउटा विज्ञप्तीसम्म पनि जारि गर्न आवश्यक ठानेको छैन । जसको जापानको विपत्ति डटेर सामना गरिरहेका नेपाली नागरिकहरुले विरोध गरिरहेका छन् ।

तपाई, हाम्रो यो समाचार हेर्दै हुनुहुन्छ र कतै तपाईँ स्वयम या अरु कोहि नेपाली नागरिक कुनैपनि प्रकारको समस्यामा पर्नुभएको छ भने हामीलाई जानकारी गराउन सक्नुहुनेछ । हामी सम्बन्धित व्यक्तिलाई  संचारको माध्यमबाट सम्बन्धित सुरक्षा निकायसम्म पुर्याउन समन्वय गर्नेछौँ ।