टोकियो । टोकियोमा  प्रथम NJFA ( Nepal Japan Football Association)रनिङ फुटबल प्रतियोगिता हुने भएको छ ।

‘Football for friendship’ भन्ने नाराका साथ आगामी फेब्रुवरी महिनामा प्रथम NJFA रनिङ फुटबल प्रतियोगिता हुने भएको छ । नेपाल जापान फुटबल संघ जापानको आयोजनामा जापानको टोक्योमा हुने प्रतियोगिता यही फेब्रुअरी ९ तारीखमा सन्चालन गर्ने तयारी छ । प्रतियोगिताका लागि अहिले टीम दर्ता खुला गरिएको आयोजकले जनाएको छ । प्रतियोगितामा सहभागिता जनाउन इच्छुक फुटबल क्लबले यही जनवरी ३१ तारीखसम्ममा टीम दर्ता गराउन सक्ने संघका अध्यक्ष बसन्त गौचनले जानकारी दिएका छन् । टीम दर्ताका लागि शुल्क ४ मान १ हजार येन तोकिएको छ ।
प्रतियोगिताको विजेता टोलीले ४५ मान येन नगद पुरस्कारका साथै ट्रफी हात पार्नेछन् भने उपविजेताका लागि २० मान  येन पुरस्कार तोकिएको छ । साथै तेस्रो हुने टिमले नगद १० मान येन सहित ट्रफी हात पार्नेछन् । प्रतियोगिताका लागि सिमित क्लबलाई मात्र लिन सकिने भएकाले समयमै टीम दर्ता गराइ आफ्नो सहभागिता सुनिश्चित गर्न क्लबका महासचिव मनोज श्रेष्ठले आग्रह गरेका छन् ।