टोकियो । जापानबाट तत्काल नेपाल जानुपर्ने अवस्थामा रहेका २६५ जना नेपालीहरु आज नेपाल प्रस्थान गरेका छन् ।
विदेशमा रहेका नेपाली नागरिकहरुलाई नेपाल लैजाने योजना बमोजिम आज अगस्त ०४ तारिख नेपाल वायुसेवा निगमको चार्टर उडानबाट उनिहरुलाई नेपाल लगिएको हो ।

सोहि फ्लाईटमा जापानको नेपाल दुतावास उपनियोग प्रमुखको जिम्मेवारीमा ४ वर्ष सेवा गरेका उपनियोग प्रमुख कृष्णचन्द्र अर्याल पनि आफ्नो कार्यकाल पुरा गरि स्वदेश फर्किएका छन् ।

आज विहान ७ बजे आईपुगेको नेपाल वायुसेवा निगमको जहाजमा नेपालबाट जापान स्थित राजदूतावासका नयाँ उपनियोग प्रमुखु अम्बिका प्रसाद जोशी लगायत अन्य २८ जना यात्रुहरु जापान आईपुगेका छन् ।

यसका साथै यस अघि जस्तै यस पटकको उडानमा पनि तत्काल नेपाल नपाठाई नहुने अवस्थाका महत्वपूर्ण कागजात तथा राष्ट्रीय आविष्कार केन्द्रका केहि सामग्रीहरु पनि नेपाल पठाईएको छ । यस पटकको उडानमा पनि गैरआवासीय नेपाली संघ जापानका पदाधिकारीहरुले विमानस्थलमै पुगी व्यवस्थापनमा सहयोग गरेका थिए । एसिया प्यासिफिक युवा संयोजक दिपक कंडेल उपाध्यक्ष नबिन निउरे प्रवक्ता सिद्धार्थ श्रेष्ठ तथा महिला संयोजक संगिता अधिकारी लगायतका एनआरएनए पदाधिकारीहरु विमानस्थलसम्म पुगी सेवामा खटेका थिए ।
अब, जापानबाट नेपाल जाने अर्को फ्लाईट यहि अगस्ट १० तारिखका लागि तय भएको छ ।