टोकियो । गैरआवासीय नेपाली संघ जापानको नयाँ कार्यसमितिको निर्वाचन सेप्टम्बरको ३ तारिख हुने भएको छ ।

निर्वाचन सम्पन्न गर्न पूर्व अध्यक्ष ओम गुरुङको संयोजकत्वमा पाँच सदस्यीय निर्वाचन समिति गठन गरिएको छ ।करिब एघार हजार सदस्य रहेको एनआरएनए जापानको यस वर्षको निर्वाचनलाई निकै अर्थपूर्णरुपमा हेरिएको छ । अन्तर्राष्ट्रीय ग़ैर आवासीय नेपाली संघको आगमी नेतृत्वको लागि वर्तमान उपध्यक्ष भवन भट्टको उम्मेद्वारी हुने भएपछि गैर आवासिय नेपाली संघ जापानको निर्वाचन अझ अर्थपूर्ण बनेको हो ।

गैरआवासीय नेपाली संघ जापानका अध्यक्ष सुदन थापाले दिनु भएको जानकारी अनुसार निर्वाचन समितिमा संयोजक ओम गुरुङ, सदस्यहरुमा डा. वेद काफ्ले, डा. भुपलमान श्रेष्ठ, मेघराज नेपाल र पुष्कर जङ थापा रहेका छन ।

निर्वाचन कार्यतालिका अनुसार अगष्ट १ गते मतदाता नामावली प्रकाशित, अगष्ट २र ३ मतदाता नामवली माथि दावि विरोध,अगष्ट ४ मा अन्तिम मतदाता नामवली प्रकाशन ६ मा उम्मेद्वारी दर्ता, ८ तारिक दावि विरोध, १२ तारिक उम्मेदवारी फिर्ता, १३ तारिक उम्मेदवारीहरुको अन्तिम नामवली प्रकाशन र सेप्टम्बर तिनमा निर्वाचन कार्यतालिका तय गरिएको छ ।

गैरआवासीय नेपाली संघ जापानको १५ सदस्यिय कार्यसमितिमा अध्यक्ष १,वरिष्ठ उपध्यक्ष १,उपध्यक्ष २,महिला उपध्यक्ष १, महासचिव, सचिव, कोषध्यक्ष, सहकोषध्यक्ष र ६ जना सदस्यहरुको निर्वाचन हुनेछ । निर्वाचनको लागि सदस्य उम्मेद्वारले १ लाख जापानी येन, कोषध्यक्षले २ लाख, सचिवले २लाख ५० हजार, महासचिवले ३ लाख एेन, उपध्यक्षले ३लाख ५० हजार, वरिष्ठ उपध्यक्षले ४ लाख अध्यक्षले ४ लाख ५० हजार र अन्तर्राष्ट्रीय सदस्यले ६ लाख येन उम्मेद्वारीका शुल्क तिर्नुपर्ने उल्लेख गरिएको छ ।