नागोया/जापान । ओखलढुंगा टोक्सेल स्थायी घर भई जापानको आईची, प्रान्तको नागोयामा बस्दै आएका विशाल बास्तोलाको मृत्यु भएको छ ।

गत सेप्टेम्बर २३ तारिख राती आफ्नै कोठामा अचेत अवस्थामा फेला परेका बास्तोलालाई हिजो ( अक्टोबर ८ तारिख ) हस्पिटलले मृत घोषणा गरेको हो । यस घटनमा सुरुवातदेखिनै सहयोगमा जुटिरहनुभएका एनआरएनए जापानका उपाध्यक्ष दिपक कार्कीका अनुसार प्रहरी अनुसन्धानले मृतकले आत्महत्या प्रयास गरेको देखाएको छ । यद्यपी कुनै पनि प्रकारको औषधी सेवन पनि नगरेको तथा घाँटीमा पासो लगाएर झुण्डिएको कुरा पनि पुष्टि नभएकाले घटनाको वास्तविकता बुझ्न अझै अनुसन्धान जारी रहेको बताईएको छ । मृतक बास्तोला जापान आएको पनि धेरै नभएको र आर्थिक अवस्था पनि मज़बूत नभएकाले दाहसंस्कार लगायतका कार्यमा आवाश्यक रकम व्यवस्थापनका लागि जापानमै रहेका उनका दिदी भिनाजुले जापानवासी नेपाली तथा नेपाली संघसंस्थाहरुलाई सहयोगका लागि अनुरोध गरेका छन् ।
मृतक बास्तोका भिनाजु दिपेश अधिकारीका अनुसार NRN जापानले यो अप्ठ्यारोमा ठूलो सहयोग गरिरहेको छ । विशेष गरी NRN जापानका उपाध्यक्ष दिपक कार्की र NRN नागोया क्षेत्रिय समिति अध्यक्ष श्याम शीतल लगायतका व्यक्तिहरुले घटनाको सुरूवातबाटै अस्पताल र घटनास्थलमा गएर र प्रहरी अनुसंधानको लागि पनि ठूलो पहल गरेका थिए । यसका साथै ओखलढुंगा सेवा समाज र पूर्वेली सेवा समाजले आर्थिक संकलन लगाएतका कामहरूमा सहयोग गरिरहेको बुझिन आएको छ ।
सहयोगको लागि
जापान पोस्ट बैंक
खाता न. 10100-56787801
सुनिता बास्तोला ( दिदी )