टोकियो/जापान ।कोरोना संक्रमणका कारण बन्द रहेको अन्तर्राष्ट्रीय यात्रालाई क्रमिकरुपमा सहज बनाउँदै आएको जापानले नोभेम्बर १ तारिखबाट थप सहजता थपिदिने भएको छ। ।
नोभेम्बर १ तारिखबाट विभिन्न मुलुकदेखि जापान फर्केर आउनेहरुले ( पुन;प्रवेश अबधी बाँकी -Re-entry valid Visa भएकाहरुले)हाल कायम रिईन्ट्री कन्फेर्मेसन लिन नपर्ने भएको छ । अव केबल कोरोना नेगेटिभ रहेको परिक्षण पेपर मात्र भए पुग्ने भएको छ ।

यसका साथै जापानबाट नेपाल वा अन्य मुलुक जाँदा लिनुपर्ने पुन प्रवेश अनुरोध रसिद ( Receipt for Request of Re- entry ) पनि लिन नपर्ने भएको छ ।
यसका साथै हिजो (अक्टोबर ३० मा) प्रधानमंत्री सुगा योशिहिदेले जापान बाट बाहिर गएका जापानी हरु तथा जापानको आवासीय अनुमती पाएका विदेशीहरुले जापान फर्कदा १४ दिन क्वारेनटाइन बस्न पर्ने ब्यबस्था पनि नोभेम्बर १ तारिखबाट हटाउने जानकारी गराएका छन् ।यद्यपी यो नियम भने सबै मुलुकको लागि होईन । तत्काललाई चाइना, कोरिया लगाएत कोरोना सन्क्रमण न्यून भएका देशबाट जापान फर्कदा मात्रै यो ब्यबस्था गरिएको हो । बाँकी अरु देशका बारेमा पुरानै नियम कायम रहने छ । धेरै नेपालीहरुको चासो रहेकाले प्रस्ट भन्दा नेपालबाट आउनेहरुको हकमा भने पुरानै नियम अनिसार १४ दिन क्वारेन्टाईन बस्नुपर्नेछ ।