टोकियो/जापान । डिसेम्बर ८ तारिख मंगलबार जापानमा एकैदिन २,१७४ जनामा कोरोना संक्रमण पुष्टि भएको छ ।
मंगलबार टोकियोमा ३५२ जना,ओसाकामा २५८ जना,होक्काईदोमा २०४ जना,खानागावा केनमा १५२ जना,आईची केनमा १९९ जना,चिबा केनमा ८० जना,
साईतामा केनमा १७२ जना,ह्योगो केनमा १४५ जना,ओकिनवा केनमा २८ जना,सिजुओका केनमा २० जना,हिरोशिमा केनमा ५२ जना,ईबाराकी केनमा ३४ जनाको उच्च संक्रमण सहित ४७ मध्ये ४३ वटा प्रान्तहरुमा संक्रमित पुष्टि भएको हो ।

यसका साथै जापानमा पछिल्ला दिन, होक्काईदो, ओसाका तथा टोकियोमा गम्भीर बिरामीको संख्या पनि बढिरहेको छ । मंगलबार बेलुकीसम्म जानकारी अनुसार जापानभर ५३६ जना कोरोनाका गम्भीर बिरामीहरु उपचाररत छन् ।

त्यस्तै होक्काईदो,ओसाका, टोकियो, आईची साईतामा, ह्योगो केन लगायतका प्रान्तहरमा मृत्यु दर पनि उच्च देखिदै आएको छ । मंगलबार जापानभर एकैदिन ४७ जना बिरामीहरुको निधन भएको छ ।

जापानमा हालसम्म १ लाख ६७ हजार २ सय २१ जनामा कोरोना संक्रमण पुष्टि भएको छ । संक्रमित मध्ये १ लाख ३९ हजार ६ सय ५३ जनाले स्वास्थ्य लाभ गरेका छन् भने २४ सय ५८ जनाको मृत्यु भएको छ ।