टोकियो/जापान । जनवरी ३ तारिख आईतबार जापानमा एकैदिन ३ हजार १ सय ५८ जनामा कोरोना संक्रमण पुष्टि भएको छ।

आईतबार टोकियोमा ८१६ जना,ओसाकामा २५३ जना,खानागावा केनमा ३६५ जना,चिबा केनमा २२५ जना,फुकुओका केनमा १०५ जना,साईतामा केनमा २०५ जना,आईची केनमा १८५ जना,होक्काईदोमा ६८ जना र ह्योगोमा ९८ जनाको उच्च संक्रमण सहित कुल ४५ ओटा प्रान्तमा संक्रमण देखिएको हो ।ओसाकामा ७ जना,ह्योगोमा ८ जना,टोकियोमा ३ जना,होक्काईदोमा १२ जना,आईचीमा ६ जना,क्योतोमा ३ जना,हिरोशिमा २ जना,खानागावामा २ जना,चिबामा ३ जना,कुमामोतोमा ४ सहित अन्य विभिन्न प्रान्तहरुमा गरि कुल ६० जनाको मृत्यु भएको छ ।

जापानमा हालसम्म २ लाख ४५ हजार ९ सय २४ जनामा कोरोना संक्रमण पुष्टि भएको छ । संक्रमित मध्ये ७ सय १४ जनाको स्वास्थ्य अवस्था गम्भीर रहेको छ भने १ लाख ९९ हजार १ सय ४५ जनाले स्वास्थ्य लाभ गरेका छन् भने आईतबार रातीसम्मको जानकारी अनुसार,३ हजार ६ सय ३४ जनाको निधन भएको छ ।