टोकियो/जापान । कोरोना भाईरस विरुद्धको खोप प्रणालीलाई प्रभावकारी बनाउन प्रधानमन्त्री सुगाले मन्त्री कोनोलाई संयोजकका रुपमा चयन गर्ने तयारी भएको बताईएको छ ।
सोमबार साँझ आयोजित एक पत्रकार सम्मेलनमा प्रधानमन्त्री योशिहिदे सुगाले, कोरोना भाईरस विरुद्दको खोप प्रणालीलाई प्रभावकारी ढंगबाट संचालन गर्न आवश्यक सम्पूर्ण प्रकृयाहरुको संयोजकका रुपमा मन्त्री कोनोलाई जिम्मेवारी दिईने बताएका हुन् । यसै बिच प्रधानमन्त्री सुगाले खोप कोरोना भाईरस नियन्त्रणको मूख्य उपाय रहेको बताउँदै,सकभर चाँडो भन्दा चाँडो आवाश्यकिय व्यक्तिहरुले सहजै लिन सकिने गरी,फेब्रुअरी अन्तिम सातासम्म सुरु गरिने गरि स्थानीय सरकारहरुसंग मिलेर कार्ययोजनाहरु बनाईरहेको पनि बताए ।

सोहि अवसरमा प्रधानमन्त्री सुगाले, नियामक निकाय सुधार मन्त्री कोनोको संयोजनमा देशव्यापीरुपमा कोरोना विरुद्धको खोप लगाउने कार्यलाई प्रभावकारी बनाई सबैलाई सुरक्षित र प्रभावकारी खोप वितरण गर्न आफूले हरसम्भव प्रयास गर्ने कुरा पनि प्रष्ट पारे ।

मन्त्री कोनोलाई यस जिम्मेवारी दिईनुको कारण बारे सुगाले भने- ‘नियामक निकाय सुधारको प्रभावकारी मन्त्रीका रुपमा, कोनोले प्रत्येक सरकारी कार्यालयहरुका समस्या समाधान गर्ने क्षमता देखेको र त्यो क्षमताले यो महत्वपूर्ण जिम्मेवारी सहितको निर्णय गरेको हुँ ।