टोकियो/जापान । कहिले जापान जान पाईएला भनेर हातमा सिओई लिएर बसेकाहरुले थप प्रतिक्षा गर्नुपर्ने भएको छ । जापान सरकारले नव प्रवेशी विदेशीहरुको आगमनमा पुन प्रतिबन्ध लम्ब्याएको छ । टोकियो ओलम्पिक नजिकिदैं गर्दा संक्रमण नबढोस् भन्ने उदेश्यले तत्काललाई विदेशीहरुको प्रवेश प्रतिबन्ध यथावत् राखेको हो । बहुप्रतिक्षित टोकियो ओलम्पिकको टर्च रिले यहि मार्चको अन्तिमबाट सुरु हुँदैछ ।यस पटक जापानले खास गरी नयाँ प्रकारको कोरोना भाईरस देखिएका मुलुकहरुलाई मात्र प्रतिबन्ध गरेको हो । त्यसैले नयाँ प्रकारका कोरोना भाईरसको संक्रमण नदेखिएका मुलुकबाट भने नव प्रवेशीहरुले पनि आउन पाउने छन् ।

चीन, दक्षिण कोरिया, सिंगापुर र भियतनाममा कोरोनाको नयाँ प्रकार देखिएकोले व्यवसायिक यात्राको छूटमा समेत स्थगन कायमै राखेको छ ।
जापान सरकारले गत डिसेम्बरको अन्त्यबाट विदेशीहरुको नयाँ प्रवेश( पहिलो पटक जापान आउन) रोक लगाएको थियो । जापानमा दोस्रो पटकको आपतकाल कायम हुँदै गर्दा, अन्य मुलुकहरुमा एकदमै छिटो फैलने कोरोनाको नयाँ प्रजाती देखापरेसंगै गत जनवरी १४ तारिखबाट मा ११ ओटा देश र क्षेत्रका व्यवसायिक यात्रा छूट पाएका यात्रीहरुमाथि समेत पनि रोक लगाइएको छ ।

जापानले अहिले आवासीय अनुमति भएकाहरुलाई प्रवेशमा नयाँ प्रवेश खुल्ला गरिरहेको छ । यद्यपी उनिहरु माथी पनि क्वारेन्टाइन नियम भने थप कडा बनाएको छ ।