टोकियो/जापान । हामी प्राय लेख्ने गर्छौँ, जापान विश्वकै कम आपराधिक घटना घटने मुलुकहरुको सूची पर्दछ । तर यहाँ केहि यस्ता अपत्यारिला अपराधहरु हुने गर्दछन् जुन घटनाहरु, आपराधिक मानसिकता भन्दा पनि प्रयोगात्मक मानसिकताबाट निर्देशित जस्तो देखिन्छ । यस्तै घटना मध्ये गत, शुक्रबार टोकियोको तोसिमा वार्डमा अवस्थित एक कन्विनिएंस स्टोरको बाहिर, एक जना घाईते व्यक्तिले उद्दारका लागि पुगेका प्रहरीलाई नै छुरा प्रहार गरे ।

प्रहरीका अनुसार, शुक्रबार राती करिब १०:३० बजेतिर उक्त कन्विनिएंस स्टोरका कर्मचारीले स्टोर बाहिर एक जना घाईते व्यक्ति रहेको फोन गरेर जानकारी गराए । उद्दार तथा अनुसन्धानका लागि त्यहाँ पुग्दा ति घाईते व्यक्तिले प्रहरीलाई नै चक्कु प्रहार गरे । जसबाट ३० वर्षिय प्रहरी जवान पनि घाईते भए ।

उक्त, व्यक्तिलाई पक्राउ गरियो । प्रहरी बयानमा ति ४९ वर्षिय मानिसले, आफू आत्महत्या गर्न चाहेको तर कारणवस नसेको र त्यहि बेला प्रहरी आईपुग्दा, प्रहरीलाई आक्रमण गरे, प्रहरीले गोलि हानिदेला भनेर चक्कु प्रहार गरेको बताएका छन् ।

जापानमा यस प्रकारको घटना नौलो होईन, यस्ता मानसिकरुपमा विछिप्तहरुको विभिन्न प्रकारको आक्रमणमा धेरै पटक विदेशीहरु पनि परेका छन् ।