टोकियो/जापान । शनिबार, अप्रिल ३ तारिख जापानभर एकैदिन २ हजार ७ सय ७५ जनामा कोरोना संक्रमण पुष्टि भएको छ ।
शनिबार पुष्टि भएको संक्रमित संख्यासंगै जापानमा कुल संक्रमित संख्या ४ लाख ८४ हजार १७ जना पुगेको छ । संक्रमित मध्ये ९ हजार २ सय ३६ जनाको मृत्यु भएको छ भने ४ लाख ४९ हजार ७ सय ५० जनाले स्वास्थ्य लाभ लिएका छन् ।

पछिल्लादिन जापानको कान्साई क्षेत्रका ओसाका तथा कान्तो क्षेत्रका टोकियो, साईतामा, खानागावा र चिबामा संक्रमण जोखिम बढिरहेको छ । त्यसो त जापानका ४७ मध्ये ४३ ओटा प्रान्तहरुमा नै संक्रमितहरु पुष्टि भएका छन् ।

मार्चको मध्यतिरबाट फूल्न सुरुभएको साकुरा,स्कुल, कलेजहरुको विदाई समारोह जस्ता मानिसहरुको उच्च जमघट र भिडभाड हुने खालका कार्यक्रमहरु बढेकाले संक्रमण पनि बढेको आँकल गरिएको छ । यसैविच कान्साईका ओसाका लगायतका प्रान्तहरुमा आपतकालिन् अवस्था नभएता पनि,कोरोना संक्रमण रोकथामका लागि उच्च कडाईका नियमहरु लागु गर्ने घोषणा भईसकेको छ । जसको कार्यन्वयन यहि अप्रिल ५ तारिखबाट हुनेछ ।

जापान अन्य निकसित मुलुकहरुको तुलनामा पछिल्ला दिन, कोरोना संक्रमण नियन्त्रणमा कमजोर देखिन थालेको छ । यकातिर २/२ पटक आपतकालिन् अवस्था लागु गरेतापनि संक्रमितहरु घट्न सकेनन् भने, अर्कोतिर सबै नागरिकहरुलाई निःशुल्क खोप लगाउने प्रतिवद्दतासहित सुरु गरिको खोप अभियान पनि कछुवाको चालमा चलिरहेको छ । अर्कोतिर महत्वाकांक्षी टोकियो ओलम्पिक नजिकै छ ।

जापानले , लाखौँ प्रतिक्षारत नव प्रवेशीहरुलाई कुनै आशा देखाउन सकेको छैन भने, अर्कोतिर जापानभित्रै पनि धमाधम रोजगारी गुमाउनेहरु बढिरहेका छन् । लामो समय देखि सवैप्रकारका व्यवसायहरुलाई अनुदान दिएर थेग्ने प्रयास गरिरहेको छ ।

जापानी संचार माध्यमहरुको समाचार विश्लेषण गर्दा, विदेश मन्त्री तथा विदेश मन्त्रालय माताहतका निकायले नव प्रवेशीहरुलाई पनि ल्याउने तयारी गरिरहेको बताएता पनि कोरोना नियन्त्रण नभई अहिलेकै अवस्थामा जापान सरकारले नयाँ भिसा बाहक विदेशीहरुलाई भित्राउने सम्भावना खासै देखिदैन । त्यसैले अझै केहि समय धैर्य गर्नुको विकल्प देखिदैन ।