टोकियो। जापानका प्रधानमन्त्री योसिहिदे सुगा भोली बिहीवार अमेरिकाको भ्रमणमा निस्कने भएका छन । जापानको बिदेश मन्त्रालयले दिएको जानकारी अनुसार उनी भोलीनै अमेरिका पुग्ने र औपचारिक भेट्घाट गर्नेछन ।

जोए बिडेन अमेरिकाको राष्ट्रपतिमा निवार्चित भए पछी जापानका तर्फ बाट पहिलो पटक प्रधानमन्त्री सुगाले भ्रमण गर्न लागेका हुन । प्रधानमन्त्री सुगा र अमेरिकि राष्ट्रपति बिडेनबीच टेलिफोनमा कुराकानी भएका भएता पनि आमने सामने हुने मौका पहिलो पटक मिलेको हो ।

यि दुबै राष्ट्र प्रमुखले पहिलो पटक गर्न लागेको भेटमा के के बिषयमा कुराकानी हुन्छ भन्ने खुलाईएको त छैन तर कोरोना सक्रमण नियन्त्रण, एसियन राष्ट्रहरु सँगको सम्बन्ध र म्यानमारको राजनीतिक संकटका बिषयमा कुरा हुन सक्ने संचार माध्यमहरुले बिश्लेशण गरेका छन ।

अन्तरराष्ट्रिय समुदायको असन्तुष्टीका बाबजुद पनि म्यानमारमा सैन्य कारबाही नरोकिएको, ठुलो संख्यामा नागरिकहरुको मृत्‍यु भैरहेको बिषयमा कसरी अगाडि बढ्ने भन्ने बिषयमा दुई देशका सरकार प्रमुखबीच छलफलको सम्भावना रहेको संचार माध्यमहरुको अनुमान छ ।

प्रधानमन्त्री सुगा १९ गते स्वदेश फर्कनेछन् ।

(समाचार एजेन्सीहरुको सहयोगमा)