टोकियो/जापान । शुक्रवार ( मे ७ तारिख ) जापानमा एकैदिन ६ हजार ५७ जनामा कोरोना संक्रमण पुष्टि भएको छ । एकैदिन पुष्टि भएको यो संख्या गत जनवरी १६ तारिख पछिकै सबैभन्दा धेरै हो ।

३ महिनापछि अत्यधिक संक्रमित पुष्टि भएको शुक्रबार एकैदिन १४८ जनाले ज्यान गुमाएका छन् । एकैदिन कोरोनाका कारण ज्यान गुमाउनेहरुको यो संख्या कोरोना संक्रमण सुरुभएदेखि कै पहिलो उच्च रेकर्ड हो

कुन प्रान्तमा कति ?
शुक्रवार (मे ७ तारिख)ओसाकामा ५० जना,ह्योगोमा ३९ जना,चिबामा ७ जना,टोकियोमा ६ जना,खानागावामा ६ जना,होक्काईदोमा ४ जना,नारामा ४ जना,फुकुओकामा ४ जना,ओखायामामा ३ जना,एहिमेमा ३ जना,सिगामा ३ जना, गुन्मामा २ जना,नागानोमा २ जना, मिए,तोयामा,गिफु,तोकुसिमा,तोचिगी,ओकिनवा,कुमामोतो, ईसिखावा,फुकुसिमा र सिजुओकामा १/१ जना गरि कुल १४८ जना संक्रमितहरुको मृत्यु भएको हो ।

हालसम्मको संक्रमित संख्या ?
जापानमा हालसम्म ६ लाख २८ हजार ७ सय ४९ जनामा कोरोना संक्रमण पुष्टि भएको छ । संक्रमित मध्ये १० हजार ७ सय ७३ जनाले ज्यान गुमाएका छन् भने ५ लाख ४६ हजार ७ सय १ जनाले स्वास्थ्य लाभ लिएका छन् ।

जापानले कोरोना खोप कार्यक्रमलाई तीब्रता दिने, दैनिक १० लाख डोज खोप लगाउने तयारी