जापान । जापानमा पछिल्ला दिन कोरोना भाईरस विरुद्ध खोप लगाउने काम तीव्रगतिमा अगाडी
बढेसंगै,खोपको भण्डारणमा देखिएको तापक्रमको सहि व्यवस्थापन गर्न नसक्दा खोप खेर जाने घटनाहरु पनि बढिरहेको छ ।
कोभिड खोपको भण्डारण अत्यन्तै संवेदनशील मानिन्छ र सोहि अनुरुपको भण्डारणको व्यवस्था गरिरहेको जापानले पनि पुर्णरुपमा सुरक्षित गराउन नसकेको एक रिपोर्टले देखाएको छ । जापानको लोकप्रिय मध्ये एक दैनिक पत्रिका योमिउरी दैनिकको रिपोर्ट अनुसार हालसम्म ७ हजार भन्दा धेरै पटक लगाउन मिल्ने खोप खेर गएको छ । कोभिड खोप तत्काल आपूर्तिकै समस्या भईरहेको बेलामा हुने यस्ता क्षतिले, थप समस्या निम्त्याउने गरेको छ । जापानमा गत फेब्रुअरी १७ तारिखबाट कोरोना खोप लगाउने अभियान सुरु भएको हो । हालसम्म, चिकित्सा क्षेत्रमा कृयाशील व्यक्तिहरुमा लगाईसकेको छ भने,६५ वर्षभन्दा माथिको वृद्ध/वृद्धाहरुलाई देशैभर धमाधम खोप लगाईँदैछ ।

जापानमा कोरोना खोप लगाउने काम अन्य विकसित मुलुकको तुलनामा ढिला भएको छ । यहाँका सम्पूर्ण नागरिकहरु माझ खोप पुग्न अझै केहि महिना लाग्ने छ ।