टोकियो/जापान । जापानमा रहेका बारा जिल्लाका नेपालीहरु संगठित भई बारा समाज जापान गठन गरेका छन् ।

नेपालको बारा जिल्लामा स्थायी घर भई हाल विभिन्न पेशा एवं कामको सिलसिलामा जापानका विभिन्न स्थानहरुमा बसोबास गर्दै आएका बारा जिल्लावासीहरुले आगामी दिनमा सामाना गर्नु पर्ने समस्या र चुनौतीहरुलाई सहजै समाधानका लागी आपसी सहयोग, सद्भभाव, भातृत्व अभिबृद्धि तथा बारा जिल्लाको समृद्धि र विकासका लागि बारा समाज आज सन २०२१ जुन १५ का दिन १३ सदस्यीय कार्यसमितिको गठन गरिएको अनिल गिरीले जानकारी दिनुभयो ।

कार्यसमितिमा-अध्यक्ष : अनिल गिरी,उपाध्यक्ष: बैकुण्ठ गौतम,सचिव: प्रवेश पोख्रेल,सह सचिव: सुजता थापा,कोषाध्यक्ष: मनोज अधिकारी,
सह- कोषाध्यक्ष : ममता थापा रहेका छन् भने सदस्यहरुमा – १.मन्दीप अधिकारी २.भुषन कुमार गुप्ता ३.ममता सापकोटा ४.उत्तम कुमार चौलागाइ ५.अमृत लामिछाने ६.बिष्णु न्यौपाने ७. धर्मेन्द्र चौधरी रहेका छन् । त्यस्तै नविन लामा र
महेश्वर अधिकारी सल्लाहकार रहेको बताईएको छ ।

बारा समाज जापानको पहिलो बैठकको निर्णय अनुसार सर्वप्रथम संस्थालाई विधिवत रुपमा दर्ता प्रकृयमा लैजाने , जापानमा अवस्थिति हरेक सङ्घ संस्थागत आगामी दिनमा सहकार्य र समन्वय गर्दै जाने तथा बारा जिल्ला वासीहरुलाई हरेक प्रकारको गतिविधिहरुमा सक्रिय सहभागिता गराउदै लैजाने निर्णय भएको छ। त्यस्तै गरी जिल्लाका आर्थिक सामाजिक साँस्कृतिक एवं विपदसम्बन्धि हरेक गतिबिधिमा साथ र सहयोगको निम्ति तत्पर रहने तथा जापानमा आउने नयाँ पुस्तालाई हौसला मार्गदर्शन तथा हरेक तवरको सहयोग गर्ने रहेको छ । साथै बारा वासीले भविष्यमा सामाना गर्नु पर्ने समस्याहरुलाई सम्बोधन गर्नका लागी राष्ट्रिय अन्तर्राष्ट्रिय संघ संस्थाहरुसँग समन्वय र सहकार्य गर्ने रहेको छ ।