टोकियो/जापान ।जापानको अत्यन्तै लोकप्रिय हाँस्य कलाकार शिमुरा केन जन्मिएको गाउँको रेल स्टेसनमा उनको सम्झना  र सम्मानमा शालिक प्रतिस्थापन गरिएको छ । शिमुराको ७० वर्षको उमेरमा गतवर्ष ( सन २०२० ) मार्चमा कोभिड संक्रमणका कारण निधन भएको थियो । जापानमा कोभिड संक्रमण भई निधन हुने पहिलो उच्च सार्वजनिक पहिचान बोकेका व्यक्तिमा पर्दछन् ।

शिमुराको सम्झना र सम्मानमा धातुको पुर्णकदको शालिक मात्रै बनेको छैन । त्यो स्टेसनमा पुग्नेबित्तिकै शिमुरालाई याद दिलाउने उनले पफर्म गरेका गित ‘हिगासी मुरायाना ओन्दो’को म्युजिकलाई त्यस स्टेसनको आईडीकारुपमा प्रयोग गरिएको छ । सुन्नुहोस् यो भिडियोमा

西武鉄道 東村山駅の発車メロディ「東村山音頭」！きょうから復活とのことで さっそく確認してきました。予想通り、多くの国分寺行きが発車する 国分寺線2番ホームが「ひがっしむ～らや～ぁま～ ♪♪♪」でした。 pic.twitter.com/M7wu8u3uTw

— １０月の列車 (@oct_rain1259) July 14, 2020

उनको शालिक संगै लेखिएको कुराले अझ धेरै मन छुन्छ, एउटा कलाकारको सम्मानमा स्थानिय सरकार र स्थानियहरुको तदारुकता उदाहरणीय लाग्दछ । शालिकको पृष्ठभूमिका रहेको भित्तमा लेखिएको छ -多くの笑いと感動をありがとう。( सबै हाँसो उत्साहका लागि धन्यवाद )

यो शालिक टोकियोको हिगाी मुरायामा स्टेसनको पुर्वि गेट अगाडी छ । शिमुरा केन जापानको यस्तो हाँस्य कलाकार हुन् उनि जापानी समुदायमा मात्रै नभई जापानमा बस्ने विदेशीहरुले पनि अत्यन्तै रुचाउँथेँ । उनिको शारिरिक हाउभाव तथा प्रस्तुतीहरु भाषै नबुझ्ने मान्छेले हेरेपनि मनोरञ्जनपूर्ण लाग्ने खालका हुने गर्दथ्यो ।