टोकियो/जापान । यहि अगस्ट महिनामा सम्पन्न टोकियो ओलम्पिक अवधिभर १ लाख ३० हजार ओटा लंचबक्स (बेन्तो ) खेर गएको पुष्टि भएको छ ।

ओलम्पिक अवधिमा खानाहरु खेर फालेको विषमा सर्वत्र आलोचना भएपछि, यसलाई केहि व्यवस्थापन गर्ने प्रयास गरिएको भएता पनि सो अवधिमा १ लाख ३० हजार लंचबक्सहरु नखाईकन खेर गएको ओलम्पकि आयोजक समूहले शुक्रबार जानकारी गराएको हो । ओलम्पिक चलिरहँदा जुलाई २३ तारिख एकैदिन ओलम्पिक खेलाडी तथा स्वयमसेवकहरुका लागि भनेर अर्डर गरिएको ४ हजार लंचबक्क नखाईकन फ्याकिएको विषय विश्वभर चर्चा आलोचनामा उत्रिएको थियो । खाना खेर नफाल्न प्रयास गरिने प्रतिवद्धता गरिएको भएता पनि त्यस्तै प्रकारका अधिक खाना मगाउने र नखाईकन फ्याक्ने क्रम निरन्तर चलेको देखिएको छ । जसका कारण जम्मा जम्मी एक महिनाको अवधिमा १ लाख ३० पटकको लागि पुग्ने लंचबक्स त्यसै खेर गएको पुष्टि भएको छ ।

त्यसो त, जापान विश्वकै धेरै खाना फ्याक्ने मुलुकहरुको सुचिमा पर्दछ । कारण यहाँको मानिसहरुको फुट कल्चर ( खाने तरिका) नभई यहाँको व्यवसयिक प्रणाली हो । यहाँ तर ओलम्पिकको समयमा खेर गएको यो खानाहरुमा भने, अर्डर गर्ने निकायले सहि व्यवस्थापन नगरेको देखिन्छ । यसलाई कतिपयले यस अघि सम्झौता गरेअनुसार खाना जसरी नी पठाउने चाहना राख्ने उत्पादक र आयोजकहरुको मिलेमतो हुनसक्ने आँकलन पनि गरेका छन् ।

यसरी खाना खेर फाल्ने क्रमको निरन्तरता पाराओलम्पकिमा पनि देखिन थालेको जनाईएको छ । पाराओलम्पिको उदघाटन सत्रमा मगाईएको ६ हजार लंचबक्स मध्ये १ सय ओटा त्यसै खेर फालिएको जापानी संचार माध्यमहरुले जनाएका छन् ।