टोकियो/जापान । आगमी अक्टोबर महिना, टोकियो महानगरबासीहरुको रेलयात्रा करिब २ दिन असहज हुने भएको छ ।

जेआर यामानोते लाईनको रेलसेवा आगमी अक्टोबर २३ र २४ तारिख मर्मत/सम्भारका लागि केहि स्थानहरुमा स्थगन गरिनेछ । जसका कारण टोकियोका बासिन्दाहरुको यात्रा प्रभावित हुनेछन् । महानगरको २३ वटै वडालाई परिक्रमा गरि संचान हुने यामानोते ट्रेन लाईन, महानगरबासीहरुको मुख्य सार्वजनिक सवारी हो ।

जेआर यामानोतेले जनाए अनुसार, अक्टोबर २३ र २४ तारिख – ईकेबुकुरो, मेजिरो,ताकादानोबाबा,सिनओकुबो, सिन्जुकु,योयोगी, हाराजुकु, सिबुया,एबुसु,मेगुरो,गोतान्दा र ओसाकी स्टेसनका प्रयोगकर्ताहरुमा असर पर्नेछ । यद्यपी यो यामानोतेको लाईनमा समस्या हुने भएता पनि सोहि स्टेसन हुँदै पार हुने सोनान सिन्जुकु लाईन,सोतेचु लाईन र रिंकाई लाईन भने नियमितरुपमै गुडने छन् । त्यसैले ति स्टेसनहरुसम्मको यात्रा यि रेलहरुबाट पनि गर्न सकिनेछ ।