मियागी/जापान । जापानको मियागी प्रान्तस्थित एक बंगुर फारममा स्वाईन फ्लु पुष्टि भएको छ ।

मियागी प्रान्तको ओगावारा सहरमा रहेको एक बंगुर फारममा पालिएका बंगुरहरुमा स्वाईन फ्लु देखा परेको हो । बंगुरहरु बिरामी तथा केहि मृत भेटिएपछि राष्ट्रिय निरीक्षण टोलिले प्रयोगशाला परिक्षण गर्दा तिनिहरुमा स्वाईन फ्लु पुष्टि भएको जापानी संचार माध्महरुले जनाएका छन् ।

उक्त फारममा पालिएका बंगुरहरुमा फ्लु पुष्टि भएपछि, त्यहाँ रहेका झण्डै १२ हजार वटा बंगुरहरुलाई नष्ट गर्ने कार्य अघि बढाईएको छ । यहि डिसेम्बर ११ तारिख परिक्षणमा पठाईएको थियो भने पुष्टि भए लगतै डिसेम्बर १२ बाट बंगुरहरु नष्टु सुरु गरिएको जनाईएको छ ।

मियागी प्रान्तमा , अहिले सम्म सबै बंगुर फारमहरुमा खोप पूरा भइसकेकाले अन्य बंगुर फार्महरूमा आवागमन वा निर्यातमा कुनै प्रतिबन्ध घोषणा भने गरिएको छैन । प्रान्तका अनुसार सन् २००७ मा राष्ट्रिय सरकारले स्वाइन फ्लु सङ्क्रमण अन्त्य भएको घोषणा गरेपछि घर पालुवा बंगुरहरुमा फ्लु देखिएको यो पहिलो घटना हो । यस अघि ,यसै वर्षको जुन महिनामा मियागी प्रान्तको शिचिकासुकु-चोमा जङ्गली बँदेलमा सङ्क्रमण देखिएको थियो ।