जापान। केहि वर्ष यताकै भारी हिमपातका कारण, उत्तरी तथा पश्चिमी जापानका विभिन्न प्रान्तहरुको जनजिवन प्रभावित भएको छ । शनिबारदेखि पर्न थालेको हिउँ कतिपय ठाउँहरुमा सोमबार बिहानसम्म पर्ने क्रम जारी छ ।

जापानको,ह्योगो,तोत्तोरी,क्योतो,फुकुसिमा,सिगा प्रान्तका विभिन्न स्थानहरुमा निरन्तरको हिमपात पछि बाटोघाटो पुलपुलेसा सबै हिउँले ढाकिदिएका छन् । जापान मौसम विज्ञान विभागका अनुसार ति ठाउँहररुमा ५० देखि ६५ सेन्टीमीटरसम्म हिउँ जमेका छन् । हिउँ जमेपछि सावारी साधनहरु बाटोमै अड्किएका छन् भने,सडकपेटीहरु सबै हिउँले भरिएपछि स्थानीयहरुको आवतजावतमै समस्या सिर्जना भएको छ ।

मौसम विज्ञान विभागका अनुसार, भोलि ( २८ डिसेम्बर) सम्म हिमपात हुने पुर्वानुमान गरिएको छ । भोलिसम्ममा,निगाता प्रान्त,किन्की, गिफु प्रान्त,तोहोकु,हिकुरिकु,नागोनो लगायतका क्षेत्रहरुमा ५० देखि ९० सेन्टीमीटरसम्म हिउँ जम्मा हुनेछ ।

भारी हिमपात पछि,ति प्रभावित क्षेत्रका वासिन्दाहरु अत्यावश्यक काम बाहेक घरबाट बाहिन ननिस्किन सुझाईएको छ ।यसका साथै धेरै हिउँ जमेका कारण बिजुलीका तार तथा पोलहरुमा समस्या आई बिद्युत आपूर्तिमा समेत असर पर्नसक्नेतर्फ पूर्व तयारी गर्न सुचाना जारी गरिएको छ । यसका साथै आकिता प्रान्तमा हिउँसिंगै आएको कडा हावाका कारण केहि घरहरुतो छानो नै उडाईदिएको छ ।

हिमपातका कारण सडकमा गुड्ने मात्रै नभई हवाई उडान तथा सिनखानसेनका नियमित सेवाहरु पनि प्रभावित भएका छन् । उत्तरी जापानका निगाता तथा यामागाता विमानस्थलहरुमा २० सेन्टीमीटर भन्दा बढी हिउँ जमेकाले उडानहरु रद्द भएका छन् ।

स्रोतः एनएचके अनलाईन