जापान । जापानको तोत्तोरी, सिगा,ह्योगो,गिफु, निगाता, नागानो, आकिता लगायतका जापान सागरतर्फका विभिन्न स्थानहरुमा पछिल्ला केहि वर्षयताकै उच्च हिमपात भईरहेको छ ।

डिसेम्बर ५ तारिखबाट निरन्तर परिरहेको हिउँ, २० सेन्टीमीटर देखी ९५ सेन्टीमीटर सम्म जमेका छन् । भारी हिमपातले मानिसहरुको आवागमन तथा दैनिक कामकाजहरुमा प्रत्यक्ष असर पारेको छ ।

सवारी साधन गुड्ने बाटोहरुमा झण्डै १ मिटर सम्म हिउँ जमेकाले सवारी साधनहरु बाटैमा जाममा परिरहेका छन् । रेलको लिगमा हिउँ जमेकाले रेलसेवाहरु अवरुद्द भएका छन् । त्यस्तै हिउँ प्रभावित क्षेत्रहरुको एयरपोर्टमा हिउँ जमेका कारण जापान भरका १ सय भन्दा बढी हवाई उडानहरु रद्द भएका छन् ।

आजसम्मको हिउँ नै उच्च रेकर्डको हो भने, भोलि( २८ डिसेम्बर) सम्म पनि निरन्तर हिउँ पर्ने मौसमी अनुमान रहेकाले उत्तरी तथा पश्चिमी जापानको जनजिवन थप कष्टकर बन्ने चेतावनीहरु जारी गरिएको छ ।