तोचिगी/जापान । जापानको तोचिगी प्रान्तको नासु सफारी पार्कभित्र पालिएको बाघको आक्रमणमा परि ३ जना कर्मचारीहरु घाईते भएका छन् ।

जापानी संचार माध्यमहरुका अनुसार आज( जनवरी ५ तारिख) बिहान,बाघको आक्रमणमा परि उक्त सफारी पार्कका ३ जना सुरक्षा करामचारीहपु घाईते भएका हुन् । घाईते ३ जना मध्ये २० वर्ष उमेर समूहकी एक महिलाको अवस्था भने अरुको भन्दा गम्भीर रहेको बताईएको छ ।

सफारी पार्क स्रोतका अनुसार आज बिहान,उक्त सफारी पार्क खोल्ने समयको तयारीको क्रममा बाघलाई उसको खोरबाट बाहिर लैजाने क्रममा बाघले ३ जना कर्मचारीहरुलाई आक्रमण गरेको हो ।१० वर्षे बंगाली बाघ “ भोल्टा”ले आक्रमण गरेको हो । करिब ३ मिटर लामो र २०० केजी तौल भएको बाघले ती ३ जना कर्मचारीलाई टोक्ने/ चिथोर्ने गरी घाईते बनाएको बताईएको छ ।

नासु सफारी पार्कभित्र बाघ सहित अन्य विभिन्न ७० प्रकारका करिब ७०० जंगली जनावरहरु रहेका छन् । उक्त पार्क बाघ हेर्नका लागि लोकप्रिय रहँदै आएको छ । उक्त सफारी पार्कमा सन १९९७ मा पनि कर्मचारी माथि बाघले आक्रमण गरेको घटना घटेको थियो ।