जापान। अन्ततः कोरोना संक्रमण अत्याधिक बढेपछि, नयाँवर्षको सुरुवातसंगै जापानका ३ वटा प्रान्तहरुमा अर्धआपतकाल लागु गर्ने निर्णय भएको छ ।

नयाँवर्षको आन्तरिक चहलका कारण कोरोना संक्रमण ह्वात्तै बढेपछि पछिल्लो केहिदिन यता सरोकारवालाहरुसंग निरन्तर छलफल तथा परामर्शमा जुटेको किसिदा सरकारले आज अन्तिम पटक विशेषज्ञहरुसंगको बैठक तथा स्विकृती पश्चात यहि जनवरी ९ तारिखबाट जनवारी ३१ तारिखसम्म अर्धआपतकाल कार्यन्वयन गर्ने निर्णय गरेको हो ।

किसिदा सरकारले, ओकिनवा, हिरोशिमा र यामागुची प्रान्तका मुख्य/मुख्य प्रभावित सहरहरु केन्द्रित गरि अर्धआपतकाल घोषणा गरेको हो । ति स्थानहरुमा रेस्टुरेन्ट तथा होटलहरु कति बजेसम्म खोल्ने तथा माधक पदार्थहरुको बेचविखन के गर्ने भन्नेबारे भने सम्बन्धित प्रान्त सरकारहरुले निर्णय गर्ने गरि निर्णय गरिएको छ ।

यसरी कोरोनाकै कारण अर्धआपतकाल घोषणा गर्नुपरेको, अघिल्लो वर्षको सेप्टेम्बरमा हटाईएपछि कै पहिलो पटक हो ।