जापान । जापानको साईतामा प्रान्तस्थित फुजिमिनो नगरको एक घरमा हिजो राती ९ बजेतिर हातमा छोटो खालको बन्दुक जस्तै देखिने हतियार बोकेका मानिसले एक जना डक्टरलाई घाईते बनाई बन्दक बनाएको घटनाका अभियुक्तलाई ११ घण्टापछि आज बिहान ८ बजेतिर पक्राउ गरिएको छ।

घटना भएको खबर प्राप्त हुनसाथ,घाईते बन्दकको उद्दार तथा अभियुक्तलाई पक्राउ गर्नको लागि निरन्तर खटेको प्रहरी तथा अग्नि नियन्त्रण विभागका कर्मचारीहरुको संयुक्त पहलमा
आज बिहान,अभियुक्तलाई पक्राउ गर्न सफल भएका हुन् ।

प्रहरीलाई उद्रित गर्दै जापानी संचार माध्यमहरुले प्रकाशन गरेका खबर अनुसार, बिहान ८ बजेतिर अनुसन्धानकर्ताहरु उक्त घरमा प्रवेश गरी,अभियुक्तको पहिचान सहित तुरुन्त पक्राउ गरेका हुन् । बन्दक बनाईएका ४४ वर्षिय डाक्टरलाई अचेत अवस्थामा अस्पत्ताल लगिएको बताईएको छ ।

उक्त घटना भएको घरमा,उक्त मानिसको परिवारको सदस्यको निधन भएको थियो र २७ तारिख राती डाक्टर, नर्स तथा अन्य ३ पुरुष केयरगिभर सहित त्यहाँ शोक सन्तप्त परिवारवाई भेट्न पुगेका थिए ।

यस घटना अनुसन्धानकै क्रममा रहेकाले अन्य विस्तृत जानकारी भने अझै सार्वजनिक गरिएको छैन ।