जापान । अर्घाखाँची समाज जापानले अर्घाखाँची जिल्ला पाणिनी गाउँपालिका वडा नं. ३ फ्रसवा निवासी विमला गौतमको औषधी उपचारको लागि आर्थिक सहयोग गरेको छ ।

समाजका कोषाध्यक्ष टोप बहादुर घर्तीमगरको संयोजकत्व र दिल प्रसाद श्रेस्ठको सह-संयोजकत्वमा अभियान संचालन गरेको थियो ।अर्घाखाँची समाज जापानको बिशेष पहल रहेको अभियानमा जापानमा रोजगारी गर्दै आउनु भएका विभिन्न क्षेत्रका महानुभावहरुले २ लाख ४ हजार ५५ यन रकम संकलन गरेको समाजका अध्यक्ष दीपक थापाले जानकारी दिनुभयो ।

उक्त संकलित रकम नेपाल पत्रकार महासंघ अर्घाखाँचीका सचिव विनोद गैर मार्फत आज विमला गौतमको घर मै पुगेर से रकम गैरेले हस्तान्तरण गर्नुभएको हो । समाजले आफ्नो स्थापानाकाल देखी नै जिल्लामा समस्या पर्दा आफुहरूले हरेक पटक सहयोग गरेको र यो पटक पनी बिरामी बीमाला गौतमको आर्थिक अबस्था नाज़ुक भएकोले सहयोग अभियान संचालन गरीएको अध्यक्ष थापाले जानकारी दिनु भयो ।२९ वर्षिय विमला गौतम विगत केहि समय देखि पाठेघरको क्यान्सर रोगवाट पिडित हुनुहुन्छ र निजको घरायसी अवस्था अत्यान्तै नाजुक रहेको छ ।

हस्तान्तरण कार्यक्रममा बोल्दै वडा अध्यक्ष देव बहादुर के.सी.ले विमलाको उपचारको लागि वडावाट हुने हरेक सहयोग गर्न तत्पर रहेको बताउनुभएको थियो । हस्तान्तरण कार्यक्रममा रकम हस्तान्तरण गर्दै नेपाल पत्रकार महासंघका सचिव विनोद गैरेले जापानवाट आफ्नो खाने गास काटेर विमला गौतमको उपचारको लागि रकम संकलन गर्न अग्रसर हुने र आर्थिक सहायता गर्नुहुने सम्पूर्णलाई हार्दिक धन्यवाद दिदै विमला गौतमको सिघ्र स्वास्थ्य लाभको कामना समेत गर्नु भएको थियो । कार्यक्रमका ग्लोवल आई.एम.ई. बैक अर्घाखाँचीका शाखा प्रमुख प्रल्हाद न्यौपाने, मुमाराम गैरे समेतको उपस्थिती रहेको थियो ।