जापान ।आज जापान सागर वरपरका भुभागहरुमा कतिपय स्थानहरुमा हिमपात भईरहेको छ भने कतिपय स्थानहरुमा भारी हिमपात हुने चेतावनी जारी गरिएको छ ।

जापनी मौसम विज्ञान एजेन्सीका अनुसार, कडा चिसो हावाको चापसंगै जापानको होक्काईदो देखि किन्कि क्षेत्रहरुमा हिमपात भईरहेको छ । कतिपय स्थानहरुमा पछिल्लो २४ घण्टाको अवधीमा ८० सेन्टीमीटरसम्म हिउँ परेको छ ।

आज ( जनवरी ६ तारिख) बेलुकासम्म होकुरिकु तथा नागाता प्रान्तका साथै तोक्काई क्षेत्र जस्ता समतल भुभागहरुमा पनि भारी हिमपातको जोखिम रहेको छ । जापान मौसम विज्ञान एजेंसीले हिमपातका कारण सवारी आवागमनमी पर्नसक्ने असरप्रति सचेत रहेर, हिमपातमा सावधानी अपनाउन आग्रह गरेको छ ।

आज बिहानसम्ममा निगाता,नागानो तथा होक्काईदोका विभिन्न स्थानहरुमा ८० सेन्टीमीटरसम्म हिउँ जम्मा भएको बताईएको छ । यस वर्षको जाडो यामको सुरुवातसंगै भारी मात्रामा हिमपात भईरहेका ति स्थानहरुमा ३ मिटरभन्दा धेरै हिउँ जमेका स्थानहरु समेत रहेको बताईएको छ ।