टोकियो/जापान । जापानी श्रम मन्त्रालयको पछिल्लो तथ्यांक अनुसार अघिल्लो वर्ष जापानमा कामदारहरुको मासिक औसत आय ३ लाख १९ हजार भन्दा बढि कायम भएको छ । यो पछिल्लो ३ वर्षयताकै उच्च औसत आय हो ।

स्वास्थ्य श्रम तथा क्ल्याण मन्त्रालयले प्रस्तुत गरेको रिपोर्ट अनुसार,अघिल्लो वर्षको औषत मासिक आयमा यस पटक ०.३ प्रतिशतले वृद्धि भएको हो । मन्त्रालयले जापानभरका ५ जना वा सो भन्दा बढि कामदारहरु रहेका ३० हजार भन्दा धेरै कम्पनीहरुमा मासिक आयको सर्वे गरि, आज यो प्रारम्भिक रिपोर्ट सार्वजनिक गरेको हो ।

मन्त्रालयको रिपोर्टमा प्रस्तुत भए अनुसार,कामदारहरुको मासिक आय ,बेसिक मासिक तलब,ओभरटाईम,बोनस लगायतका सबै जोडेर मासिक कुल ३ लाख १९ हजार ५ सय २८ येन औसत देखिन आएको हो । यो त्यसभन्दा अघिल्लो वर्षको तुलनामा ०.३ प्रतिशतले बढेको हो ।

कोभिड माहमारीका बिच पनि जापानमा कम्पनीमा काम गर्नेहरुको आय सन २०१८ पछि पहिलो पटक वृद्धि भएको देखिएको हो ।वर्तमान सरकार कामदारहरुको आय वृद्धि गराउँदै उत्पादकत्व बढाउनुपर्ने पक्षमा रहँदै आएको छ ।