टोकियो/जापान । सत्तारुढ दल लिब्रल डेमोक्रेटिक पार्टीको शिक्षा,संस्कृति,खेलकुद, विज्ञान र प्रविधि उपसमितिले अन्तर्राष्ट्रिय विद्यार्थीहरुलाई यथासीघ्र जापान प्रवेश दिन सरकारलाई आग्रह गरेको छ ।

लिबरल डेमोक्रेटिक पार्टीको शिक्षा, संस्कृति, खेलकुद, विज्ञान र प्रविधि उमसमितिले ओमिक्रोन भेरियन्टको रोकथामका लागि विदेशीहरूको नयाँ प्रवेश प्रतिबन्ध गर्ने उपायहरूको सीघ्र समीक्षा गरि, अन्तर्राष्ट्रिय विद्यार्थीहरूलाई जापान प्रवेश गराउन सरकारलाई आह्वान गर्ने प्रस्ताव सँगै राखेको हो ।

जापान सरकार पछिल्लो समय विभिन्न निकायहरुबाट नवप्रवेशीहरुको लागि सीमा खुला गर्नका गरिएको आग्रह तथा सुझावहरुलाई मध्ये नजर गर्दै सीमा खुलाउने आन्तरिक तयारीमा जुटिरहेको छ । यसै क्रममा सत्तारुढ दल लिब्रल डेमोक्रेटिक पार्टीको शिक्षा, संस्कृति, खेलकुद, विज्ञान र प्रविधि उमसमितिले सरकारलाई यस्तो सुझाव दिएको हो । जापानको

लिबरल डेमोक्र्याटिक पार्टीको शिक्षा, संस्कृति, खेलकुद, विज्ञान तथा प्रविधि मन्त्रालयको उपसमितिको हिजो भएको बैठकमा अध्यक्ष तोमोहिरो यामामोतोले भने, “अन्तर्राष्ट्रिय विद्यार्थी जापानमा आउन नपाउँदा अन्य देश छनोट गर्न थालेका छन्, जसले जापानप्रतिको अन्तर्राष्ट्रिय नजर नकारात्मक बन्दैछ । कतिपय मुलुकहरुले जापानी विद्यार्थीहरूलाई समेत अन्तराष्ट्रिय एक्स्चेन्ज कार्यक्रमहरुमा अस्विकार गर्न थालेका छन्, यो राष्ट्रिय हितसँग सम्बन्धित समस्या हो”

उपसमितिले तत्काल हालका उपायहरूको समीक्षा गरी जापान प्रवेश गर्ने विदेशीहरुको दैनिक सीमालाई ध्यान नदिई अन्तर्राष्ट्रिय विद्यार्थीहरूलाई उच्च प्राथमिकताका साथ जापान प्रवेश गर्न अनुमति दिन सुझाव दिएको हो ।