टोकियो/जापान । जापानमा बसोवास गर्ने युक्रेनी तथा रसियनहरुको ठूलो समूहले जापानको राजधानी टोकियोमा युक्रेनमाथी रुसको आक्रमको विरुद्ध प्रदर्शन गरेका छन् ।

शनिबार जापानको राजधानी टोकियोको अत्यन्तै व्यस्थ स्टेसन सिवुया अगाडी, जापान वसोवास गर्दै आएका करिब २ हजार जना युक्रेनी तथा रसियनहरु एकै ठाउँमा जम्मा भई,युक्रेनमा रुसले गरिरहेको आक्रमण तथा समग्र युद्ध गतिविधिको विरोध गरेका हुन् । र्यालीमा सहभागीरुले युक्रेन राष्ट्रियगान समेत गाएका थिए ।

राजधानी टोकियोमा मात्रै नभई,टोकियो बाहिरका हिरोशिमा तथा नागासाकी लगायतका सहरहरुमा पनि त्यहाँ वसोवास गर्ने युक्रेनीहरुले रुसको आक्रमण विरुद्ध विरोध जनाएका थिए । सहभागीहरुले युक्रेनको राष्ट्रिय झण्डा, रुसी आक्रमण बन्द गर, युद्ध अन्त्य गर, युक्रेनलाई सहयोग गर,पुटिन युक्रेनलाई आक्रमण बन्द गर जस्ता नारा लेखिएका प्ले कार्डहरु प्रदर्शन गरेका थिए ।

र्यालीमा सहभागी युक्रेनीहरुले आफ्ना आफन्त तथा देशको पिडा बोलिरहेका थिए भने रसियनहरुले आफ्नो देशका सरकारको कदमप्रति खेद व्यक्त गरिरहेका थिए । र त्यहाँ म रसियन हुँ, मेरो सरकारको कृयाकलाप प्रति लज्जित छु,जस्ता शव्दहरु लेखिएका बोर्डहरु समेत देखिएका थिए ।