जापान । जापानी फोटोग्राफर हारुहिको खावागुचीको फोटोग्राफी भिन्न अनि अरु भन्दा आश्चर्य लाग्ने खालको छ । उनिसंग ‘फेमिली-फोटो’ खिच्नु परे एउटा अनौठो सर्त पूरा गर्नुपर्छ। उनले पूरै घरलाई प्लास्टिकले छोप्छन् र फोटो खिच्न लागेको मान्छेलाई प्लास्टिकको झोलामा ‘भ्याकुम-सिल’ गर्छन्। त्यसपछि मात्रै उनले फोटो खिच्न सुरु गर्छन्।

तपाईलाई लाग्न सक्छ,प्लास्टिकको झोलामा भ्याकुम सिल गर्दा निस्सासिईएर मानिसको मृत्यु पनि हुनसक्छ।हो, तर पिर नमान्नुहोस, उनले मान्छे निसास्सिनुअघि नै फोटोग्राफर
खावागुची केही सेकेन्ड मै फोटो खिचेर भ्याउँछन्।

सामान्य फोटोग्राफी जसले पनि गर्दछन् तर, कावागुची अरुभन्दा युनिक फोटोग्राफी गर्न चाहन्छन् । यस्तो अनौठो फोटोलाई खावागुचीले ‘मेमोरियल फोटो फर द फेमिली’ (परिवारको यादगार फोटो) भन्ने गरेका छन्। यो उनको जारी सेरिज ‘फ्रेस लभ’ (ताजा प्रेम)को एक अंश हो।

यस्तो फोटोग्राफी उनको पेशा मात्रै होईन, यो उनको दुई दशक लामो मिसन हो। जसमा उनले मानिसहरूलाई प्लास्टिकमा र्‍याप गरेर ‘ह्युमन इन्टिमेसी’लाई फरक तरिकाले तस्बिरमा उतार्ने प्रयास गरिरहेका छन्।