टोकियो/जापान । कुनै समय सबैजसो मानिसहरुको पहिलो रोजाईमा रहेको जापानको राजधानी टोकियो सन २०२१ मा आईपुग्दा आकर्षण घटेको छ ।

अघिल्लो वर्ष टोकियो क्षेत्रबाट अन्यत्र बसाई सर्न चाहने मानिसहरुको संख्या हालसम्मकै उच्च देखिएको छ । टोकियो स्थित गैरनाफामुलक परामर्शदात्री संस्था फुरुसातो खाईकि सिएन(ふるさと回帰支援センター)सेन्टरले जनाए अनुसार सन २०२१ मा ४९ हजार ५१४ पटक टोकियो छाड्न चाहनेहरुलाई परामर्श प्रदान गरिएको छ । यसरी यति धेरै संख्यामा टोकियो छाड्न चाहने मानिसहरुले परामर्श लिएको पहिलो पटक हो। ।

त्यसो त टोकियोमा सेवा सुविधाहरु घटेर या असुरक्षित भएर मानिसहरु अन्यत्र गएका /जान चाहेका भने होईनन् । कोरोना माहमारीका कारण जापानका झण्डै २५ प्रतिशत कम्पनीहरु टेलिवर्कमा रुपमान्तर भएका छन्, जसका कारण मानिसहरु जहाँ बसेपनि काम गर्नेसक्ने भए । यसका अलवा कतिपयले चाहीँ यो भिडभाड छाडेर आफु जन्मए, हुर्किएको शान्त ठाउँहरुमा नै बस्न चाहे । परिणामा टोकियो छाड्नेहरुको संख्या बढ्न गयो ।

त्यसो त पछिल्ला केहि वर्षयता सन २०१९ देखि नै टोकियो छाड्न चाहनेहरुको संख्या उच्च देखिँदै आएको छ । टोकियो छाड्नेहरु मध्ये अधिकांस आसपासका प्रान्तहरु साईतामा, चिबा, खानागावा, ईबाराकी, तोचिगी सम्म गएको देखिएको छ । यसका अलवा, कान्साई तथा तोहोकु क्षेत्रमा जानेहरुको संख्या पनि बढेको छ ।