शनिबार बिहान मेरो फेसबुकको ईनबक्समा एउटा म्यासेज आएको रहेछ । एकजना जापान बस्नु हुने शुभचिन्तकले एउटा जापानी कम्पनीको स्पोन्सर कन्टेन्टमा देखिएका ढाका टोपीमा सजिएका एक जापानीक बारेमा जिज्ञासा रहेछ । फोटो यो थियो ।

यो फोटोले मलाई पनि आकर्षित गर्यो। एकैछिनमा केडिडिआईको साईट खोलेँ र उनको बारेमा मोटामोटी थाह पाएँ । पछि मेरो सामाजिक संजालमा पनि उक्त स्पोन्सर कन्टेट देखियो।

अलि जिज्ञासा लाग्यो र हेर्दै गएँ, खासमा कुरो यस्तो रहेछ। ।

यो ढाका टोपीमा चिटिक्क परेका व्यक्ति केडिडिआई( KDDI)को नेपालमा आईसीटी शिक्षा सपोर्ट कार्यक्रमको जिम्मेवारी पाएका नाखायामा योशिहिरो रहेछन् । उनि, न्यूयोर्क र हङकङमा KDDI को ग्लोबल डाटा सेन्टर “TELEHOUSE” मा विश्वव्यापी सञ्चालन र मर्मतसम्भार कार्यमा संलग्न भई काम गरेसंगै , अहिले KDDI फाउन्डेशनमा आवद्ध रहेछन् ।उनि मुख्यतया मङ्गोलिया र नेपाल जस्ता एशियाली देशहरूमा आईसीटी प्रयोग गरी अन्तर्राष्ट्रिय सहयोग परियोजनाहरू सञ्चालन गर्ने योजनाको जिम्मेवारी सम्हाल्दा रहेछन् ।

केडिडि आई फाउन्डेसन मार्फत, उनले नेपालमा आईसिटीको ज्ञान र सिप प्रबद्धन गर्ने उदेश्य राखेर एउटा परियोजना संचालन गर्न गईरहेका रहेछन् । यो त्यसैको जानकारी रहेछ । तर यसरी जापानमा रहेका नेपालीहरु लक्षित गरि यसलाई स्पोन्सर गराउनुको खास उदेश्य प्रष्ट नभएपनि, जापान सहित विश्वका ५० भन्दा बढी मुलुकमा विस्तार भएको सुचना प्रविधि कम्पनी केडिडिआई( जापानमा एयु मोबाईल फोन सेवा प्रदायक कम्पनी)को केडिडि आई फाउन्डेसनले नेपालमा पनि सुचना प्रविधिको क्षेत्रमा सहयोग परियोजना संचालन गर्दै रहेछ है भन्ने जानकारी चाहीँ दिन खोजेको बुझियो ।