टोकियो/जापान । विदेश भ्रमणका क्रममा कम्बोडिया पुगेका जापानी प्रधानमन्त्री फुमिओ किशिदाले कम्बोडियामा ४२ करोड ९० लाख डलर आर्थिक साहयता उपलब्ध गराउने घोषणा गरेका छन् ।

प्रधानमन्त्री किशिदाले कोभ्याक्स खोप कार्यक्रम मार्फत कम्बोडियालाई १३ लाख डोज खोप उपल्ब्ध गराउने प्रतिबद्धता पनि जनाएका छन् । उनि भारतीय प्रधानमंत्री नरेन्द्र मोदीसंगको भेटवार्ता पछि हिजो कम्बोडिया पुगेका थिए ।

हिजो नै कम्बोडिया पुगेका प्रधानमन्त्री किशिदाले यस पटक कम्बोडियाली समकक्षी प्रधानमन्त्री हुन सेनसंगको शिखर वार्ताको क्रममा दिईदेश विचको व्यापार प्रवद्धन तथा अन्य विविध क्षेत्रका थुप्रै सहयोग सम्झौताहरु गरेका छन् ।

यसैक्रममा अनुदान बाहेक पनि जापानले कम्बोडियालाई ३७ करोड ८० लाख डलर बराबरको ऋण साहयता प्रदान गर्नेछ । यसका अलवा अन्तराष्ट्रिय संगठनहरु मार्फत ५ करोड डलर अनुदान पनि दिनेछ ।