टोकियो/जापान ।हिजो ( २१ अप्रिल) जापानभर ४७ हजार १ सय ३१ जनामा कोरोना संक्रमण भएको छ भने ५१ जना संक्रमितहरुको निधन भएको छ ।

जापनको टोकियोमा सबैभन्दा धेरै एकैदिन ६ हजार ७ सय १३ जनामा संक्रमण पुष्टि भएको छ भने सबैभन्दा थोरै तोकुशिमा प्रिफेक्चरमा जम्मा १०३ जनामा संक्रमण पुष्टि भएको छ ।

जापानमा पछिल्लो केहि सातायता संक्रमण स्थिर देखिएको छ । संक्रमित संख्या उल्लेख्य नघटेता पनि वृद्धिदर सामान्य रहँदै आएको छ । जापानमा हाल दैनिक औसत ४० हजार जनाको हाराहारीमा संक्रमित देखिँदै आएपनि गम्भीर प्रकृतिका बिरामीहरुको संख्या भने अत्यन्तै न्युन रहेको छ ।

हालसम्म जापानभर कुल ७५ लाख ४३ हजार ६ सय ९ जनामा कोरोना संक्रमण पुष्टि भईसकेको छ । संक्रमित मध्ये २९ हजार २ सय २२ जनाको मृत्यु भएको छ भने ६९ लाख ८५ हजार ९ सय ५४ जनाले स्वास्थ्य लाभ लिएका छन् ।