जापान । जापान सरकारले कोरोना महामारीका कारण आर्थिकरुपमा परेको असरलाई मध्यनजर गर्दै प्रदान गरेको कोरोना आर्थिक राहत रकमले यामागुची प्रिफेक्चरल सरकारलाई तनाव दिएको छ ।

खास घटना के भएको थियो त ?
यसै महिनाको ८ तारिख, यामागुची प्रिफेक्चरको आवु सहरमा बसोबास गर्ने ४ सय ६३ घर परिवारलाई १ लाख येनका दरले फरक-फरक बैंक ट्रान्सफर गरिनुपर्नेमा ट्रान्स्फर प्रणालीमा देखिएको खराबी तथा कर्मचारीको ( सम्भावित ) गल्तिका कारण सबै रकम( ४ करोड ६३ लाख येन )एउटै व्यक्तिको बैंक खातामा ट्रान्सफर हुन पुगेको थियो ।आवु सहर प्रशासनले यो कुरा पत्ता लाग्ने बित्तिकै भुलबस ट्रान्सफर भएको रकम फिर्ताके लागि पहल अगाडी बढायो । प्रकृया केहि झण्झटिलो भएता पनि जापान( सबै नागरिकहरुको डेटा चुस्त/दुरुस्त राख्ने) मुलुक भएकाले सजिलै फिर्ता होला भन्ने आँकलन गरिएको थियो । तर घटनाले नसोचेको मोडमा पुर्यायो, जसका कारण यामागुचि प्रिफेक्चरको आवु सहर प्रशासनलाई निकै असहज परिस्थितिबाट गुज्रिन बाध्य बनाईरहेको छ ।

के भयो त ?
आबु सहर प्रशासनले ति ४ करोड ६३ लाख येन ट्रान्सफर भएको खातावालाई सम्पर्क गर्ने प्रयास गर्यो, तर लगातार फोनसम्पर्क गर्दा पनि सम्पर्क नै भएन । पटक/पटक प्रयास गर्दा पनि फोन सम्पर्क नभएपछि आवु सहरका अधिकारीहरु उनको घरमै गए र त्यो सबै विवरण बताएर रकम फिर्ताको लागि अनुरोध गरे । तर उनले त्यो रकम आफ्ना खाताबाट अन्यत्र गईसकेको र अव त्यसलाई फिर्ता गर्न नसक्ने बतादिए ।
उनले रकम आफुसंग नभएको, कसैगरेपनि त्यो फिर्ता गर्न नसकिने बताउँदै रकम दुरुपयोगको पापको सजाय भोग्न आफु तयार भएको बताए । जसले सजिलै समाधान होला भन्ने आशा गरिएको घटना एकाएक अत्यन्तै जटिल समस्या बन्न पुग्यो।

अब, के हुन्छ त ?
अबु सहरले अब प्रहरी तथा अधिवक्ताहरुसंग छलफल गरेर, प्रकृया अघि बढाउने योजना बनाएको छ ।र घटना पश्चात उक्त नगरका मेयर हानादा भने, “यस्तो गम्भिर घटना घट्न पुगेकोमा म दुखी छु,सहकरबासीहरु समक्ष म इमानदारीपूर्वक माफी चाहन्छु।”