टोकियो/जापान । बढ्दो अनलाइन ठगी तथा साइबर अपराधका कारण पछिल्लो १० वर्षमा जापानको सार्वजनिक सुरक्षा नाजुक बन्दै गएको एक सर्वेक्षणले देखाएको छ ।
गत मार्चमा जारी गरिएको एक सरकारी सर्वेक्षणको नतिजा अनुसार ५० प्रतिशत भन्दा बढी उत्तरदाताहरूले पछिल्लो १० वर्षको अवधिमा अनलाइन व्यापारमार्फतको ठगी तथा साइबर अपराधका कारण सास्ती खेप्नुपरेको बताएका थिए । जसले जापानको सार्वजनिक सुरक्षा व्यवस्था कायम राख्न चुनौती खडा गरिदिएको विश्लेषण गरिएको छ ।

जापानमा कस्ता अपराधहरु बढिरहेका छन् त ?

उक्त, सर्वेक्षणमा सहभागीहरूले बताए अनुसार, कोभिड-१९ को महामारीका कारण ,सेवाहरूको बढ्दो डिजिटलाइजेशन संगै ५२.६ प्रतिशतले ठगी र व्यापारिक जालसाजीहरु व्याहोर्नु परेको उल्लेख गरिएको छ । त्यस्तै फिसिङ स्क्यामहरू सहित साइबर अपराधहरू र अनाधिकृत अनलाइन पहुँचमा ५२.२ प्रतिशतले समस्या भोग्नुपरेको बताईएको छ ।

जापानमा मानिसहरु कसरी असुरक्षित बनिरहेका छन् त ?

सर्वेक्षणमा सहभागी उत्तरदाताहरूले आफू वा आफू नजिकका व्यक्तिहरू अनलाइन स्पेसहरुको माध्यमबाट ठगी तथा जालसाजीमा परेको बताउनेहरुको संख्या ५३.९ प्रतिशत, त्यसपछि सडकहरूमा पनि असुरक्षित बनेको या ठगिमा परेको बताउनेहरुको संख्या ५०.७ प्रतिशत र सहरी क्षेत्रहरुमा पनि सामाजिक सुरक्षा गुमेको बताउनेहरुको संख्या ४७.९ प्रतिशत देखिएको छ ।

के साँच्चै जापान पनि असुरक्षित भएको हो त ?

ठगी तथा जालसाजीका घटनाहरु बढेको भएता पनि बाबजुद पनि सर्वेक्षणमा सहभागी ८५ दशमलव १ प्रतिशत उत्तरदाताहरूले उनीहरूलाई जापान बस्नको लागि सुरक्षित र शान्त ठाउँ भएको महसुस गरेको बताएका छन् । यसको मतलव जापानमी विगतका तुलनामा सामजिक सुरक्षा घटेता पनि अन्यत्रको तुलनामा यो अझै सुरक्षित मध्येको एक मुलुक हो ।