टोकियो/जापान । विगत २ वर्षदेखि बन्द भएको जापानको सेन्दाई अन्तराष्ट्रिय विमानस्थल आउँदो अक्टोबर महिनादेखि पुनःसंचालनमा आउने भएको छ ।

मंगलबार( २६ अप्रिल तारिख) सेन्दाई विमानस्थलले कोरोनाविरुद्धको प्रतिकार्यका रूपमा प्रयोगमा ल्याएको सुरक्षा रोबोट र स्कृनमा नछोईकन चेक इन गर्न सकिने नयाँ उपकरणहरू सार्वजनिक गर्दै अक्टोबरदेखि पुनः सेवा सुरुगर्ने जानकारी गराएको हो ।

जापान सरकारले अप्रिलको सुरुवातीदेखि नै नबप्रवेशीहरुलाई प्रवेश सहज बनाएको छ ।कोरोना संक्रमण थप माहामारीको रुपमा प्रवेश नगरे बिस्तारै पर्यटन भिसालाई पनि सहजिकरण गराउने योजनामा रहेको जापानले कोरोना कारण बन्द सेवाहरु क्रमिकरुपमा सुरुचारु गर्दै लैजाने निति लिएको छ।

सेवालाई थप प्रभावकारी बनाउने उदेश्यस्वरुप, सुरक्षा रोबोर्टहरुको प्रयोग बढाउने तथा डिस्प्लेमा नछोईकन चेकईन प्रोसेस गर्न सकिने उपकरणहरुको प्रयोगलाई बढावा दिने योजना सार्वजनिक गरिएको छ । यदि यो विमानस्थल पुनः संचालनमा आएमा सो क्षेत्रमा जाने यात्रुहरुलाई राहत पुग्नेछ ।