सुन!सागर ,बसन्ते,किस्ने!!

हाम्रो देश त्यसै बिग्रीएको होईन,
देशमै केही गर्छु भन्नेलाई सबै मिलेर खुट्टा खिच्ने!!
बजेट आंउदा अलिकती कनिका छरेजस्तो गरेर,
बॅाकि रहेको सबै नेता मिलेर घिच्ने!!
सुन,सागर,बसन्ते,किस्ने!!
यहॅा नेता देखि कार्यकर्ता सम्म,
पिउन देखि हाकीम सम्म ,
माथिदेखी तलसम्म,तलदेखि माथिसम्म,
सबै-सबै पैसामा बिक्ने!!
अनि,कसरी सोझासाझा नौजवानहरू देशमा टिक्ने?
सबैको मुखमा मेरो पार्टी र तेरो पार्टी मात्रै छ!
कोही छैन देशको बारेमा कुरा झिक्ने!!
सुन,सागर ,बसन्ते ,किस्ने!!
देशका नेताहरू पदको लडॅाईमै ब्यस्त!
छिमेकीले उत्तर,दक्षिणबाट सिमा मिच्ने!!
देशको रिन बढेको बढै छ!
प्रत्येक नेपालीलाई बर्षेनी रिनको भारीले थिच्ने!!
काम गर्ने केही होईन,
नेताहरू चिल्ला कुरामात्रै फिट्ने!
सुन!सागर,बसन्ते,किस्ने!!
जताबाट हुन्छ ,जे गरी हुन्छ जुगाले चुसेजस्तै,
जनताको रगत चुस्ने!!
देश रेमिट्यान्सको पैसाले धानिएकै छ!
आखिर खाडीमा रहेकाले न हो आफ्नो शरीर पिस्ने!!
काम नगर्ने नेताहरू बंगलामा बस्ने!
काम गर्ने निमुखाहरू चुहिने छानामा भिज्ने!!
सुन सागर,बसन्ते,किस्ने!!
बिदेशका मान्छे ,मान्छे जस्ता छन्!
हामी कोही कॅाग्रेस,कोही कम्युनिस्ट मात्रै भयौं!
हामीपनि मान्छे हुन कहिले सिक्ने?
-श्रीराम पौडेल