टोकियो/जापान । अन्ततः झण्डै ३ वर्षपछि जापानले पहिलो पटक विशुद्ध पर्यटनकै लागि आउनेहरुलाई प्रवेश दिएको छ ।मंगलबार परिक्षण स्वरुप पहिलो पटक ७ जना अमेरिकी पर्यटकहरु जापानको नारिता विमानस्थल आईपुगेका हुन् ।

कोरोना कारण लामो समय ठप्प रहेको जापानको पर्यटन व्यवसायलाई गति दिने प्रयास स्वरुप सरकारले यस मे महिनामा केहि साना ग्रुपका पर्यटकहरुलाई परिक्षणकोरुपमा प्रवेश गराउने योजना अनुरुप पहिलो पटक अमेरिकी पर्यटकहरुलाई ल्याएको बुझिएको छ ।

मंगलबार( हिजो) जापान आईपुग्ने ७ जनामध्ये ६ जना हवाई तथा बाँकी १ जना लस एन्जेलस निवासी अमेरिकीहरु रहेको बताईएको छ । उनिहरुलाई कोरोना भाईरस रोकथामका तोकिएको उपायहरु अबवम्बन सहित, सम्बन्धित ट्राभलले तोकिएका ठाउँहरुमा भ्रमण गराउने छन् ।

उनिहरुलाई, टोकियो बाहिरको तोचिगी प्रिफेक्चरको निक्को तथा नागानो, ईवाते लगायतका प्रिफेक्चरका विभिन्न पर्यटकिय स्थलहरुको भ्रमण गराउने कार्यक्रम रहेको छ । जापान सरकारले यो महिनीभरी परिक्षणकारुपमा अमेरिका,अस्ट्रेलिया,थाईल्याण्ड तथा सिंगापुरका पर्यटकहरुलाई जापान प्रवेश गराउनेछ । यो परिक्षण सफल भए अन्य मुलुकका पर्टयटकहरुका लागि पनि खुला गर्ने योजना रहेको छ ।