दीपक गौतम

टोकियो जापान । जापानको सर्बोच्च अदालतले  न्यायाधीश  छनौट गर्ने निर्वाचनमा विदेशमा रहेका जापानी नागरिकहरुले भोट हाल्न पाउनु संबैधानिक अधिकार भएको फैसला सुनाएको छ ।

सर्बोच्च अदालतले बुधवार विदेशमा रहेका जापानी नागरिकहरुलाई न्यायाधीश छनौट गर्ने निर्वाचनमा मत हाल्न नदिनु संविधानको उल्लङ्घन भएको ठहर गर्दै नागरिकको मत हाल्न पाउने अधिकारलाई सुनिश्चित गर्न सरकारलाई निर्देशन दिएको हो ।

बिदेशमा रहेका नागरिकलाई मताधिकार बाट बंचित गर्ने निर्वाचन सम्बन्धि मुलुकी संहिता असंबैधानिक रहेको ठहर गरेको हो । अदालतले निर्वाचन सम्बन्धी कानून गलत रहेको फैसला गरेको यो ११ औं पटक हो ।

समाचारहरुका अनुसार १८ वर्ष माथिका विदेश बस्ने जापानीहरुको संख्या १० लाख भन्दा माथि छ । जापानमा जनप्रतिनिधि जस्तै न्यायाधीसहरुको छनौट पनि मतदान मार्फत नागरिकले गर्ने गर्दछन । तर विदेश बस्ने जापानी नागरिकहरुले भने न्यायाधीस छान्ने निर्वाचनमा भाग लिन पाउदैनथे ।