जापान । एक जापानी मूलका अमेरिकीले बिहीबार, दोहोरो नागरिकता लिन प्रतिबन्ध लगाएको जापान सरकारको निर्णय विरुद्ध जापानी अदालतमा मुद्दा दायर गरेकी छिन् ।आफ्ना नागरिकहरूलाई स्वदेशी तथा विदेशी नागरिकता दुबै धारण गर्न प्रतिबन्ध लगाउनु संविधानको उल्लङ्घन भएको भन्दै उनले मुद्दा दायर गरेकी हुन् ।

हाल दक्षिणपश्चिम जापानको फुकुओका सहरमा बस्दै आएकी ७५ वर्षिया,युरी कोन्दोले र फुकुओका जिल्ला अदालतमा मुद्दा दायर गरेकी हुन् । उनले आफ्नो कानुनी समुहसंगको पत्रकार सम्मेलनमा भनिन् – “मैले अमेरिकी नागरिकता प्राप्त गर्दा, जापानी नागरिकता स्वतः खोस्नुहुँदैन।”

कानागावा प्रिफेक्चरको कामाकुरामा जन्मेकी कोन्दो १९७१ मा अध्ययनका लागि अमेरिका गएकी थिईन भने १९९७ देखि एरिजोनामा कानूनी अभ्यास गर्न थालेकि थिईन् ।

सन २००४ मा अमेरिकी नागरिक बनेपछि, उनले सन २०१७ मा आफ्नो जापानी राहदानी नवीकरण गर्ने प्रयास गरिन् तर उनको आवेदन अस्वीकार गरियो। उनी हाल अमेरिकी राहदानीमा जापानमा बस्दै आएकी छिन् ।

कोन्दोको दाबी छ कि राष्ट्रियता कानूनको धारा ११ अनुसार, जापानी नागरिकहरूले विदेशी नागरिकता प्राप्त गरेपछि स्वचालित रूपमा आफ्नो राष्ट्रियता गुमाउँछन् । तर यो बुँदाले संविधानले ग्यारेन्टी गरेको नागरिकहरुको सुख र समानताको अधिकारको उल्लङ्घन गर्दछ । त्यसैले दोहोरो नागरिकता राख्न पाउनुपर्दछ । उनि भन्छिन्- “राष्ट्रियता एक महत्त्वपूर्ण मानव अधिकार हो, र यो कसैको सहमति बिना स्वतः खोस्नु अवैध छ ।”